بعد حصول «راجعين يا هوا» على جائزة أفضل عمل كوميدي .. محمد سليمان: «الكوميديا مش الضحك»

كشف السيناريست محمد سليمان عبد المالك عبر حسابه الشخصي على «فيسبوك» عن حيثيات منح لجنة تحكيم مهرجان القاهرة الأول للدراما  جائزة أفضل عمل اجتماعي كوميدي، عن مسلسله "راجعين يا هوا". 

وقال "عبد المالك": العلم بيقول إن الدراما تنقسم لنوعين أساسيين ملهمش تالت، كوميديا وتراجيديا.. أو ملهاة ومأساة.. كل الأنواع الأخرى (اجتماعي / رومانسي / تشويق / آكشن / رعب / تاريخي.. وغيرها) هي عبارة عن تفريعات من الأصلين دول، يعني هتلاقي اجتماعي كوميدي واجتماعي تراجيدي، رومانسي كوميدي ورومانسي تراجيدي، آكشن كوميدي وتراجيدي وهكذا.

وأضاف: الكوميديا مش الضحك حتى الصريخ (ده أسمه التهريج أو الهزار أو التنكيت)، وليها طيف واسع من الأنواع الفرعية كمان (فارص / سلاب ستيك / لايت مثلا) ولا تقاس جودة العمل الدرامي الكوميدي بكمية الضحك داخله فقط، وإنما زي أي عمل درامي تاني بالشخصيات والحبكة والتطور والصراع وغيرها.

واستكمل حديثه: الكلام ده لو ميعرفهوش غير المتخصص بيبقى الأمر مفهوم، مش شغله، لكن لما تكون صحفي أو ناقد أو مهتم بالفنون لدرجة إنك تنظر برأيك فيها، فالجهل بيه يكاد يكون جريمة متكاملة الأركان.

وأوضح : الكلمتين دول مش دفاع عن اللجنة لإنهم أقدر على ذلك، لكن فقط لتوضيح ما هو واضح بالضرورة، وشكرا ليهم لإثارة الجدل ده علشان تصحيح المفاهيم.

وقدمت لجنة مهرجان القاهرة للدراما تلك الجائزة بالنص التالي: "تلاحظ في السنوات الأخيرة اختصار فن الكوميديا على لون بعينه من الكوميديا وهو فن الفارس، ما عكس تصورا لدى الجمهور وعلى بعض صناع الفن بأن الكوميديا لون واحد.

"راجعين يا هوا" وهو عمل ماخوذ عن سيناريو بنفس الأسم للكاتب الراحل أسامة أنور عكاشة وكتب السيناريو محمد سليمان عبد المالك وأخرجه محمد سلامة، ومن بطولة خالد النبوي ونور وانوشكا ووفاء عامر وعدد من النجوم.