بعد تعليق صادم له.. بشرى ترد على مدحت تيخا: «دا نوع من التنمر المهني»

أعلنت الفنانة بشرى تأييدها ودعمها للفنان مدحت تيخا بعد انتقاده حصر الفنانين أصحاب الوزن الزائد في الأدوار الكوميدية فقط، واستبعادهم من غيرها.

وعلقت بشرى على تصريح تيخا من خلال خاصية «الاستوري» بحسابها على «إنستجرام» قائلة: «عندك حق، دا نوع من التنمر المهني ربما يكون غير مقصود، بس متزعلش، أنا صغيرة مكنوش بيشغالوني عشان نحيفة، وأذكر إني قولت الكلام ده مع الناقد الكبير رحمه الله عصام بصيله».

وأضافت:«قولت وقتها أول مرة أشوف كاستنج بالوزن، دلوقتي الحمدلله تخنت شوية، وبرضو مبيشغلنوش بس المرة عشان عندي شغل بحب اشغله وملتزمة في مواعيدي».

وكان قد صرح مدحت تيخا في منشور له عبر حسابه الرسمي بموقع التواصل الأجتماعي «فيس بوك» قائلا: «هو ليه معظم المخرجين حاليا شايفين أن الممثل التخين ميعملش غير كوميدي وبس، وإن أدواره محدودة، هو مفيش شرير تخين؟ مفيش تخين بيحب؟، أنا أهو حبيت واتحبيت واتجوزت».

وأضاف: «مفيش نصاب تخين؟ مفيش رجل أعمال تخين؟، مفيش مدرس تخين؟ مفيش تخين في الجامعة للدرجادي الرفيعين أشرار، ده حتي في مصر معظم الشعب تخان وزي القمر والعسل».