مروة ناجي تهاجم القائمين على تريند مايكل جاكسون الغلابة: «والله عيب أوي»

هاجمت الفنانة مروة ناجي، النجوم الذين قاموا بعمل فيديوهات على تريند مايكل جاكسون الغلابة، عبر السوشيال ميديا، واعتبرت ذلك تشجيع لكل من هو غير لائق وسعى وراء التريند.

وعلقت مروة ناجي عبر حسابها الشخصي على "فيسبوك" قائلة: "أول مرة أهاجم في حياتي لكن فعلا مش قادرة، بالنسبة للترندات اللى بقت حاجة مقرفة أووووي ومستفزة جدااااا وأنا أسفة اللي يضايق أكثر المواقع والمحطات التلفزيونية اللى بتجري وراء الترندات مش وراء المحتوى المحترم".

وأضافت: "زمان لما كنا بنحب نقلد كنا بنقلد عمالقة وبنحلم نكون زيهم وفعلا قدوة لكل الأجيال المفروض لحد النهاردة إنما دلوقتي ولادنا لما يلاقي مايكل جاكسون الغلابة نجم بأغنية (أنتش وأجري) ومع الأسف ألاقي نجوم كبيرة كلنا بنحبها وبنحترم فنها بيهزروا على فيديو زى دة وفيه أصوات غير لائقة فعلا حاجة تزعل ومعناها إن في حاجة غلط".

واستكملت: "لما أغنية شيماء تبقي ترند يبقي في حاجات كثير غلط ، ولما تبقي خبيرة التجميل قمر اللى البرندات عندها مفيش أسعار ومصر كلها بتشترى منها وغيرهم كثيييير يبقي ربنا يسترها علينا وعلى ولادنا".

واختتمت: "والله عيب أووووى وحاجة تزعل فعلا، الواحد فعلا مش عارف السوشيال ميديا دي نعمة وإلا نقمة".