الصوت مش مهم.. حميد الشاعري يكشف عن شرطه لتوزيع أغاني حمو بيكا

كشف الفنان حميد الشاعري عن شروطه للتعاون مع مؤدي المهرجانات حمو بيكا.

وأوضح الشاعري أنه لا يمانع التعاون مع حمو بيكا، وتوزيع إحدى أغنياته، طالما كان ذلك بطريقته، بقوله: "هييجي السكة بتاعتي؟ هعمل له السكة بتاعتي، هو جاي لحميد ليه؟ عشان كده".

وعن مدى ملائمة الموسيقى التي سوف يصنعها لأغاني حمو بيكا، قال الشاعري: "هنا تيجي الاختيارات، الكلمة واللحن والأداء، لو اتكلمنا عن الصوت، أنا شايف لو جبت أي حد يغني أغنية زمان زمان بتاعة عبد المنعم مدبولي، محدش هيقدر يقدمها بنفس الإحساس، مع أنه مش مطرب".

وتابع: "يبقى حسه حلو، صوته حلو، أنا شايف أن الأغنية مش قنبلة نووية أو اختراع، مش بنعمل قضية".

وعن أغاني الراب والمهرجانات أوضح رأيه بقوله: "بتقبلها جدا، وبحبها لأنهم مختلفين، الأشكال الموسيقية الكتير حلوة، خلي الشباب يبدعوا ويطلعوا مشاريعهم وأفكارهم".

وتابع: "أنا ضد المنع، لأن الحاجة حلوة هتسمعيها، معجبتكيش غيريها، المهرجانات دي التطور الشعبي لموسيقى البوب، أي شكل غنائي جديد له ناس بتتقبله وناس لسه ماستوعبوش، دي مشاريع جديدة".