صفاء جلال: «صحباتي مطلقات.. ومشيت على هوى جوزي»

تصدر اسم الفنانة صفاء جلال، الكلمات الأكثر بحثًا عبر الموقع الأشهر، جوجل، وذلك بعد أن حلت ضيفة ببرنامج "آخر الكلام"، برفقة الإعلامية ياسمين عز.

ونرصد من خلال الأسطر التالية أبرز تصريحات صفاء جلال خلال تواجدها بالبرنامج.

صفاء جلال وعمرها

كشفت صفاء جلال عن عمرها الفعلي مؤكدة أنها لن تخجل من ذلك، وأن الجمهور لا يمكن الكذب عليه: "أنا عمري 49، ولا يمكن خداعه بإني 35"، مشيرة إلى أنها عاشت كل مرحلة عمرية بحلوها ومرها ولا تخجل من ذلك.

صفاء جلال والرجل الشرقي

قالت صفاء جلال خلال الحلقة، إنها تزوجت من رجل شرقي وهذا كان بقرار منها: "أنا اتجوزت وأنا 24 سنة، واخترت أتجوز راجل شرقي، وأمشي على هواه هو، وأمشي على حسب هو بيحب إيه، هو كمان بيحاول يعمل كل حاجة عشان يبسطنا.. لما بعمل شغل بعمله كويس جدا بس يكون ميأثرش على حياتي أو بيتي دي أهم حاجة عندي".

وأضافت: "بس فيه رجالة وحشة كتير، أنا 90% من صحابي مطلقات، ستات عادية مش ممثلات ولا حاجة؛ لأنهم معرفوش يتوافقوا مع بعض".

صفاء جلال وعملية التجميل

قالت صفاء جلال: "عملت عملية نحت جسم عشان في فترة كنت تخنت أوي وقابلت دكتور وعملت عملية بس بعدها سيبت نفسي وتخنت تاني فبعديها عملت كبسولة المعدة عشان ما كلش، لأني كان عندي مشكلة في الأكل بالليل".

وأضافت صفاء جلال: "عملت كبسولة المعدة كانت لطيفة معايا عشان كنت محتاجة أنزل 10 أو 15 كيلو وفعلًا نزلتهم ودلوقت بكمل دايت وبروح الجيم، ما أفعله مجهود على أي ست وبالذات اللي عدت 45 لأنها بتبقى عارفة أنها بتبذل مجهود اكتر من بنوتة عندها 20 سنة، والمشكلة مش فيا بس عشان الناس متعودين عليا من أيام الضوء الشارد كنت رفيعة جدًا وبحاول على قد ما بقدر أوصل لشكل لطيف والناس تتقبله".

صفاء جلال والراقصة

قالت صفاء جلال، إنه بعد أدائها دور الراقصة في مسلسل "امرأة من زمن الحب"، اشترط عليها زوجها عدم تأدية هذا الدور مرة أخرى.

وأضافت: "بعد ما عملت دور راقصة في مسلسل امرأة من زمن الحب جوزي قالي مش هتعملي دور رقاصة تاني، وهو قالي إحنا هنكمل تمثيل بس بلاش دور رقاصة تاني خالص فعشان كدا معملتش دور رقاصة، وسمعت كلامه علشان ميزعلش".