شقيق شيرين عبد الوهاب: أنا ما ضربتش شقيقتي.. وأمي اللي قالتلي دخلها المستشفى
كتب: نسرين إبراهيم
أكد محمد عبد الوهاب، شقيق النجمة شيرين، أنه لم يتعدى على شقيقته بالضرب مثلما تردد خلال الساعات الماضية، موضحا سبب اتصاله بمستشفى الأمراض النفسية لحجزها فيها من أجل علاجها من إدمان المخدرات.
وقال شقيق شيرين، لبرنامج «الحكاية» مع الإعلامي عمرو أديب: «لم أتعدى على شقيقتي، والناس المتخصصين في المستشفى هما اللي أخدوها من شقة التجمع، وروحت جبتها منها، لأنهما كانت تتعاطى المخدرات هناك مع حسام، وأنا كنت موجود مع اللجنة من المستشفى هناك، بس ومضربتهاش».
وتابع: «ماما اللي طلبت مني إن أعمل كده، كانت هتبوس على رجلي وقالتلي انقذ بنتي انقذ اختك من حسام حبيب، ودخلتها المستشفى دخول إلزامي بمعنى أنها غير مؤهلة ولازم تتعالج، ونسب التحاليل من المخدرات بتقول كده، مدير المستشفى قدم تقرير في النيابة العامة يؤكد أنها تستدعى العلاج بالإلزام».
وقال: «أنا دلوقتي أختي بتتعرض لعصابة حسام حبيب وسارة الطباخ، أختي بتضيع وتنهار، وكل اللي بيتقال في المواقع مش حقيقي أنا لا ضربتها ولا تعديت عليها».
واستكمل: «استاذ حسام حبيب رجع لشيرين من خلال اسبوع واتصالحوا قضائيا، وجبلها العربية بتوكيل، والتوكيل ده يقدر يرجع فيه، وهي اتنازلت عن القضايا اللي رفعتها ضده، وهو لم يتنازل عن أي قضية، وضحكوا عليها».
