ثراء جبيل: المخرج أحمد صالح شتمني في مسلسل بحر بأقذر الشتايم عشان أخته

حلت الفنانة ثراء جبيل، أمس، ضيفة ببرنامج "نص الكلام"، والتي قامت من خلالها بالكشف عن سبب خلافها مع مع المخرج أحمد صالح.

وقالت خلال اللقاء، مع الإعلامية راغدة شلهوب: "اشتغلت معاه في مسلسل بحـر.. هو كان عنده أخت شغالة مساعد مخرج "سكريبت ملابس" غلطت في المساعدة بتاعتي غلط جامد عشان حاجة احنا مكنش لينا ذنب فيها خالص عشان راكور لحاجة هي مش بعتاه أصلا، وهزقتها جامد وأنا سامعاها وهيه بتتكلم علينا وأنا فالكرفان وصوتها عالي جدا فوسط الشارع".

وأضاف:" المهم حليت الموقف وجبتلها حاجة شبهها بالظبط وطلعت صورت المشهد بمنتهي الاحترافية وخلصته، ونزلت بعد كده عشان آخد حقي وحق البنت اللي اتهزقت بشكل مش لطيف خالص وسط الناس.. فعليت صوتي وزعقت زي ما هي عملت بالظبط وبدون أي تجاوز وقولتلها أنت الغلطانة ومينفعش تزعقي كده.. احنا ولا مرة قصرنا فشغلنا ومتقوليش حاجة تطلع علينا سمعة أننا ناس مهملة لأن ده إهمال منك أنت".

واستطردت:" وانا لما بتعصب ببقي مرعبة فهي (عيطت) وطبعاً راحت عيطت لأخوها المخرج، بعد شويه لقيته بيكلمني في التليفون (ألو .. ثراء .. أيوه .. أنا أحمد صالح) وفضل حوالي 16 لـ20 ثانية تقريبًا بيسبنـي ويشتمني بأفظع الألفاظ وأقذر الشتايم".

وأنهت حديثها قائلة:" كان في وجود المنتج الفني وممثلة زميلة والمساعدين وأنا كنت فاتحة الاسبيكر لإني متعوده طول الوقت مش بحط التليفون علو ودني ومعرفش أن ده هيحصل.. طبعاً كلهم مكنوش مصدقين وأنا كل اللي عملته قفلت السكة ومردتش".

مسلسل "بحر"، من بطولة ماجد المصري ودياب وحنان سليمان وعبد الرحمن أبو زهرة.