محمود الخيامي: «شيرين اللي دفعت فلوس أغاني حسام حبيب لأنه كان معندهوش دخل»
كتب: نسرين إبراهيم
كذب الملحن محمود الخيامي، تصريحات الفنان حسام حبيب خلال برنامج «الحكاية» مع الإعلامي عمرو أديب، والتي أكد فيها أنه لم يتعدى بالضرب على طليقته شيرين عبد الوهاب، ولم يستغلها ماديا في فترة زواجهما.
وقال «الخيامي» عبر حسابه على «فيسبوك»، نافيا ما ذكره حبيب، قائلاً: «صح بدليل شيرين اللي كانت بتدفع فلوس الملحنين والشعراء للأغاني اللي كان حسام بيختارها لنفسه ف ألبومه علي أساس انه معندوش دخل ولا بيشتغل، ولا حول ولا قوة إلا بالله».
وتابع: «وبالنسبة للعنف إسألو أحمد سعد المطرب مين ضرب شيرين ونزلت بالبيجاما ولابسة عباية ف الشارع واحمد اللي راح جابها».
وكان قد أكد حبيب، خلال تصريحات تلفزيونية لبرنامج «الحكاية» مع الإعلامي عمرو أديب: «عمري ما كنت عنيف مع أي ست في حياتي ولا مع شيرين، أنا اهلي كلهم متعلمين، وأنا إنسان متربي قبل ما أكون متعلم، واتربيت على يعني إيه ست، وده اللي خلاني ما أطلعش أرد خلال الفترة الأخيرة على أي كلام حتى اللي كانت بتقوله شيرين نفسها».
وأضاف: «محصلش إن ضربتها في يوم، وإسألوها هي ليه قالت الكلام ده، علاقتي بشيرين كانت علاقة نقية مش سامة، وعمري ما أخدت من شيرين جنيه حتى لما كنت بعمل لها شغل كانت بتقولي ده حقك كنت برفض».
وتابع: «علاقتي بشيرين، كانت جميلة لحد ما تخللها ناس كتير ومقربين وكلامهم مؤثر، وكنت رافض أسلوب حياتها، وده كان سبب الخناقات بينا».
واختتم حسام حديثه قائلا: «شيرين هي اللي حلقت شعرها يوم طلاقنا، وخرجت عليا بالشكل فجأة أنا انهارت وكاد يغمى عليا، وقعدت على الأرض بكيت، حصلها عدم إتزان، وقررت تقسو على نفسها وعليا وتجبرني على إن علاقتنا انتهت بالشكل ده».
