ويجز يُهاجم العوضي : «الخير اللي بتعمله مع عامل النظافة مش للتجارة»
كتب: نسرين إبراهيم
هاجم مغني الراب ويجز، تصرف الفنان أحمد العوضي بعد عزومته لعامل النظافة الذي قامت إحدى المطاعم بطرده.
وكتب ويجز، عبر خاصية «استوري»، بحسابه الرسمي على إنستجرام: «لما تعمل حاجة كويسة لحد متبقاش مرائى، وتتاجر بقد إيه أنت بتحب تعمل خير، اعمل وإرمي البحر وبدل ما تأخد نصيبك من الشكر من الناس، ربنا يكرمك من فضله، بقينا في حاجة في منتهى اللي صورني، وأنا بعمل خير».
وانتقد ويجز، الصحافة بعد تداول منشوره السابق، قائلا: «هو دي المشكلة اللي مش بتكلم في حاجة عشانها تحبيشة الصحافة المصرية البيئانة، أنا مش صاحي عايز أعدل على حد بعينة، ونيتي سليمة حاجة في منتهى القذارة بجد».
وكان قد تحدث ويجز، مؤخرا عن رأيه في التغييرات التي طرأت على الجيل الحالي، وسبب عدم مشاركته لجمهوره في السابق بأي مواضيع وأمور خاصة.
وقال ويجز، عبر مقطع فيديو قصير من خلال خاصة «الاستوري» بحسابه على «إنستجرام»: «اللي بيحصل في الجيل الحالي، وإن العالم بيتغير ومين دول، كان بيحصل في كل الأجيال، وديه نقطة مهمة جدًا إن العالم بيتغير بسرعة جدًا، وقبل النت غير ما بعد النت، وفي حاجات لسه هتطلع هتتغير أكتر وأكتر، ومتحاربش الأذى بالأذى، أتمنى من كل حد يحط نفسه مكان التاني، ويقدر ظروف غيره في كل الأوقات».
وتابع ويجز: «حتى لو هتتعصب أتعصب في المحيط الأمن بتاعك، في محيط الناس اللي عارفه أنك متعصب، بس مش مجنون، وده حبيت إنه أشاركوا معاكوا».
واختتم ويجز، قائلًا: «مكنتش بطلع أشارك أي حاجة معاكوا علشان بتتاخد في سكك تانية خالص، وأتمنى الناس تصفي النية معايا، وإن شاء الله تشوفوني كتير على الستوريز أشارك معاكوا حاجات تانية».
