نضال الأحمدية تُهاجم حسام حبيب: «مين كان بيجبلها السم الهاري؟»

هاجمت الإعلامية والكاتبة الصحفية نضال الأحمدية، الفنان حسام حبيب، على خلفية أزمته مع طليقته الفنانة شيرين عبد الوهاب.

وكشفت نضال، خلال مقطع فيديو، عن العديد من الحقائق، وقالت: "أنت سبت ليه شيرين ووصلتها للمرحلة دي، مين كان بيجيب ليها السم الهاري ليه مودتهاش المستشفى زي ما عمل أخوها؟ وليه مخدتهاش مش سفّرتها برا".

وتابعت: «شيرين كانت عاملة لـ محمد أخوها توكيل عام شامل يقدر يبيع كليتها وممتلكتها وصوتها كمان، وكل ما تملك، ولما شكك فيه حسام، محمد قطع التوكيل أمامها، وحتى اللي اختلفوا مع شقيقها حلفوا إنه عره ما سرقها».

وأكدت أن حسام، كان يخطط للوصول لشيرين قبل أن تربطهما أي علاقة، قائلة: "كان بيحاول يقرب من شيرين من 2007، وكا بيتواجد مع أصحابها كانت بتسأل مين ده، ووقتها كان بيخطط للوصول لها، وكنت عايش على قفا شيرين، وكانت بتصرف عليك وعلى أمك".