محمد الشرنوبي يتصدر التريند لهذا السبب

تصدر الفنان محمد الشرنوبي، التريند عبر محركات البحث على «جوجل» ومواقع التواصل الاجتماعي، بعد حلقته مع الإعلامية مني الشاذلى عبر برنامجها معكم المذاع على قناة سى بى سى، والتي تحدث فيها عن أسراره الخاصة وتفاصيل شخصية عديدة.

وأكد الفنان محمد الشرنوبي خلال الحلقة أنه شخص مسالم، ولا يدخل في مشادات بالضرب مع أحد، لكنه تعرّض للسرقة بالإكراه قبل عدة سنوات، أدت لإصابته في ذراعه.

وأوضح الشرنوبي أنه خلال فترة الثورة والفوضى التي حدثت بعدها، كان يمتلك جهاز "أيفون 5"، كان قد اشتراه من الخارج، قائلا: "كان أيفون 5 لسه نازل وجبته من برا وفرحان بيه أوي، كنت ساكن في أكتوبر ونزلت اشتري حاجة لقيت توك توك معدي جنبي وقفني بطريقة غريبة".

وتابع: "قالي بقولك ايه يا كابتن العدة اللي في إيدك دي أنت جايبها منين، قلت له جايبها من برا مصر، كنت بتكلم بجد، قالي لا أنت جايبها من السادس ولبّست صاحبة المحل 200 جنيه مزروة، فتعالى معانا نشوف الحوار ده.. قلت له مش جاي، فطلع مطواة وضربني في كتفي لقيت دم نازل فقولت له قشطة أنا جاي معاك، وركبت معاهم التوك توك واحد على يميني وواحد على شمالي".

وأشار إلى أنه رفض البدء بالغناء قبل التمثيل، لأنه كان يريد الابتعاد عن مجال عمل أبيه، قائلا: "كان عندي قناعة إن لو غنيت الأول الناس هتقول إن أبويا اللي خلاني أدخل الوسط، فا كنت عاوز أمثل وتبقى حاجة بعيدة عن الحتة اللي أبويا بيعملها، عشان أبقى بنيت نفسي بنفسي.. كنت أوفر أوي وعملت جوا نفسي صراع ملوش لازمة".