سمية الخشاب عن شيرين عبد الوهاب: «مش هنتعاطف مع حد متعاطفش مع نفسه»

علقت الفنانة سمية الخشاب، على التطورات في أزمة شيرين عبد الوهاب وحسام حبيب، ولكن بشكل غامض، من خلال حسابها بموقع التدوينات الصغيرة توتير.

وذلك بأنها قامت بكتابة تغريدة عبر حسابها، قالت خلالها: «المهم يا بنات ويا ستات أرجوكم حاولوا على قد ما تقدروا تبقوا على قدر من المسئولية، واعرفوا قيمة نفسكم واعرفوا أنكم مش محتاجين أي حد في الدنيا، ده بالعكس هما اللي محتاجينها أكتر».

وأضافت: «علاقة تمنها كرامة الإنسان تغور في ستين داهية، العالم في 6 مليار والله، 8 مليار بس في 2 مليار أشباه بني أدمين مش محسوبين علينا، الواحد لما بيركز في  شغله وحياته وشكله بيوصل لمرحلة ملكية مبيبقاش فعلا محتاج لحد، إلا لو هو بلا هوية ولازم يكون تابع لحد عشان يعرف يعيش».

واختتمت سمية حديثها: "بعد كده يا حبايبي منتعاطفش مع حد إلا لما نتأكد أنه هو نفسه متعاطف مع نفسه عشان منحرقش كتير على الفاضي".

وكان سبق وهاجمت سمية الخشاب، شيرين عبد الوهاب بعد قيامها بمقاضاة شقيقها، بواسطة تغريدة قالت فيها: «اللي يخسر أي حد من أهله عشان أي حاجة في الدنيا يبقي فعلا إنسان محتاج علاج».