رضوى الشربيني عن عودة شيرين لـ حسام حبيب: «كفايه عك بقى»
كتب: نسرين إبراهيم
عقلت المذيعة رضوى الشربيني، على عودة الفنانة شيرين عبد الوهاب لطليقها الفنان حسام حبيب، بعد خلافات عديدة جمعت بينهما وتصدرت السوشيال ميديا.
وقالت رضوى خلال برنامجها «هى وبس» : «إزاي تقولوا على شيرين عبد الوهاب معندهاش كرامة؟».
ودافعت عن الفنان حسام حبيب متساءلة: «حد يقولي غلط في ايه؟».. وتابعت: «الغلط علي أخوها اللي قال كلام مش كويس.. كفايه عك بقى».
وقالت شيرين عبدالوهاب، عبر مداخلة هاتفية لبرنامج «الحكاية» مع الإعلامي عمرو أديب: «عندي خبر سعيد، وهو إن أنا تم بمشيئة رب العالمين، كتب كتابي على السيد حسام حبيب، وعايزة أقول للناس إدعولي علشان أنا مقدرش أعيش من غير دعواتكم ليا ورضاكم».
وأضافت: «كتبنا كتب الكتاب إمبارح الخميس الساعة 9 بليل، بحضور أقرب الناس من المقربين جدا لينا، وأنا بكمن الناس عليا، وعايزة استغل الفرصة، إن أنا أعتذر لحسام عن كلام صدر مني في يوم من الأيام، أنا النهاردة عايزة أقفل صفحة حياتي الخاصة مع الناس لأن الحقيقة أنا كنت السبب في إن الحياة دي تبقى مفتوحة، والناس انشغلت بيا وسط مشاكلهم الكتير أوي».
وتابعت شيرين: «وأنا عايزة أطمنهم عليا، وأقولهم إن أنا في عصمة راجل طيب جدا وحبيب من البداية، وإن كنت طلعت وقولت كلام وكان هو مزعلني منه وده شيطان بيحصل ما بين أي اتنين متجوزين، واحنا كان معمول لينا حاجة كبيرة وكنا ضحية حاجة كبيرة أوى، والحمد لله ربنا فكها بسلام، أنا مش بفهم الحاجات دي بس هى ذكرت في القران، واحنا مش معصومين من الغلط».
View this post on Instagram
