باسم سمرة: بعد حذف مشاهدي في فيلم «إبراهيم الأبيض» تأكدت أن مفيش حاجة تستاهل

علق الفنان باسم سمرة مرة آخرى، على حذف مشاهده في فيلم «إبراهيم الأبيض»، والذي قدم بطولته أحمد السقا ومن إخراج مروان حامد.

وقال باسم سمرة خلال لقائه مع الإعلامية أسما إبراهيم ببرنامج «حبر سري»، :« أنا لسة عند موقفي، لأنهم عملولي أزمة نفسية لأن كان فيه مشاهد صعبة وخطر ومفيش حد يقدر يعملها غيري، وبسببهم بقيت أفكر أعمل المشاهد دي تاني ولا لأ، وبقيت أفكر إن مفيش حاجة تستاهل، وتفاجأت يوم العرض الخاص إن مشاهدي اتشالت، وأنا رايح العرض لقيتهم بيكلموني إن شغلي اتشال، ومش أنا لوحدي فيه ناس كتير شغلها اتشال».

وفي سياق آخر يستعد باسم سمرة لعرض مسلسل في رمضان 2023، من خلال مسلسل«بطن الحوت»، بالاشتراك مع محمد فراج وأسماء أبو اليزيد، عبد العزيز مخيون، وجار التعاقد مع باقي أبطال العمل، وهو من تأليف وتحت قيادة المخرج أحمد فوزي صالح.