«900 جنيه في الحصة».. داليا مصطفى تشكو غلاء الدروس الخصوصية: «مصدومة ومش مصدقة»
كتب: نسرين إبراهيم
انتقدت الفنانة داليا مصطفى، ارتفاع أجور بعض المدرسين في الدروس الخصوصية والتي وصلت إلى 900 جنيه في الحصة.
وعبرت "مصطفى"، عن صدمتها الكبيرة عند سؤالها لإحدى صديقاتها عن سعر حصة الكيمياء، وذلك عبر بث مباشر من خلال صفحتها على "فيس بوك".
وقالت داليا خلال البث المباشر: "أنا مصدومة، بسأل واحدة صاحبتي بقولها عايزة أدي ولادي درس للكيمياء، مش قادرة أتكلم، مصدومة، عارفين لما تتصدموا متبقوش قادرين تتكلموا، مصدومة جدا جدا، يعني year 10 في الآي جي، قولوا رقم، تخيلوا كام؟ حد يجاوبني، ها يلا، قول يا أكمل، الرجالة ممكن ميبقوش عارفين".
وأضافت داليا: "قالتلي 900 جنيه في الحصة، وليه مفيش كنترول، أنا آسفة إني بتدخل، اتفرجت على برنامج لميس وشفت إن الحكومة عايزة تتدخل، ايه ده؟ يعني إيه 900 جنيه في الساعة، لو الأستاذ بيدي 8 ساعات في اليوم يعني 8 في 900 جنيه بكام؟ أنا مصدومة من الرقم مش عارفة أحسبها، نقول بيدخل في اليوم 7 آلاف جنيه، انتوا سامعني بقول إيه، أنا بتكلم معاكم في شئ مهم جدا، أنا مش فاهمة، أنا مش مصدقة".
من جهة أخرى، يعرض لداليا مصطفى حاليا مسلسل "بيت فرح" المكون من 20 حلقة، وتأليف تأليف هبة رجب، وإخراج شيرين عادل وإنتاج شركة كينج توت للمنتج هشام شعبان الذى يعود للإنتاج بعد غياب، وهو بطولة فتحى عبد الوهاب، داليا مصطفى، ايناس كامل، محمد على رزق، ليلى حسين، مروة عيد، فدوى عابد وعدد آخر من الفنانين.
