مفاجآت جديدة في قضية علياء عامر.. صديقتها تكشف: «منتحرتش وكان نفسها تعيش حياة أحسن»
كتب: خلود غنيم
وقالت صديقتها: «أنا كتير كنت بشوف أخبار عن قتل الستات بس مكنتش اتخيل إني هصحى في يوم الاقي الستات دول صحابي القريبين»؛ لافتة إلى أن ذلك العنف الأسرى يعود لخلافات سابقة.
اقرأ أيضًا: خبير عن انتحار علياء ضحية التحرش: تراكمات نفسية
وأوضافت: «علياء عصام عامر - صاحبتي وحبيبتي بنت كانت طول حياتها بتتعرض لعنف أسري وعاشت حياتها كلها في رعب؛ عشت معاها لحظات كلها ألم وخوف ورعب.. علياء من سوء وقسوة اللي كانت بتشوفه كان أغلب كلامها عن العنف الأسري اللي بتتعرضله وصوتها وهي بتعيط لسا في وداني».
اقرأ أيضًا: قفزت من الطابق الخامس.. ننشر أول صور لـ منزل فتاة البحيرة المنتحرة علياء عامر
وأوضحت «مع كل بنت كانت بتروح مننا كانت بتقولنا تخيلوا لو أنا اللي حصل معايا كدا، وأهو حصل... علياء منتحرتش... علياء كانت بتخاف من الموت وبتحب صحابها ومكنش عندها ميول انتحارية، وكانت بتتمنى أبسط حاجات ممكن يتمناها إنسان كان نفسها تعيش حياة أحسن من غير رعب و خوف بس ماتت قبلها».
وأردفت: «علياء مكانتش عايزة تموت.. وكانت بتحلم باليوم اللي حياتها فيه هتكون أحسن، علياء لو عايزة تنهي حياتها، هتطلع ترمي نفسها من الدور الخامس مش هتقع من التالت، مش منطقي أن علياء تموت بالظبط بعد البوست الل كتبته عن ابن عمها!»
هاشتاج حق علياء عامر ضحية العنف الأسري يتصدر السوشيال ميديا
واختتمت كلامها قائلة: «علياء لو اللي حصل مش هينفع نغيره ليها حق عندنا كلنا ميفعش نسيبه يروح.. أرجوكم اتكلموا عن علياء متخلوش حقها يروح أرجوكم .. #حق علياء عامر ضحية العنف الأسرى #حق علياء_عامر».
وعلى صعيد آخر، أكد أحد الأهالي المقربين من علياء عامر أنها كانت تُعانى من اضطراب نفسى شديد في الآونة الأخيرة، جراء مشاكل عديدة بينها و بين والدها، بسبب التحاق شقيقها من أبيها بكلية الطب الخاصة، على الرغم من طلبها في وقت سابق الالتحاق بنفس الكلية إلا أنه رفض.
