أصالة: «بشوف بكرة بحماس الصغار.. ومع الكبار بنسى الوجع»
كتب: نسرين إبراهيم
حرصت الفنانة أصالة، على رسالة امتنان وشكر لفريق عملها، والذي ساهم في ظهورها بشكل أفضل في حفلها الأخير بالسعودية.
وقالت أصالة، عبر حسابها: «اللي بدّي قوله كتير والّلي بدّي أشكرهم كتار ومشاعري صعب الكلام يفسّرها.. محبًتكم عشت فيها عمري كلّه متل وطن حنون طيّب.. الحفلة اللي بدّي أحكي عنها هيّي حفلة أحلامي فيها من محطّاتي شوي شوي واكتشفت منّ خلالها إنّنا أنتوا وأنا أكتر منّ أهل وأكتر من أصحاب».
وأضافت: «نحنا خليط منّ كلّ غالي وبتلفّ الأدوار علينا بكلّ قصّه بأغنيه بنحكيها .. والأحلى إنّنا ما فينا صغير وكبير نحنا بنتجمّع طاقه وكلّنا بنكون بعمر واحد، أنا مع الصغار عم شوف معهم بكره وبنفس الحماس معهم برسمه، وأنا مع الكبار بساعدهم لننسى كلّ وجع مرّ علينا وسوا نتجاوزه.. الليله اللي بدّي أحكي عنها بتساوي عمر بأكمله.. ناس كتير تعبت فيها رح أذكر منهم بعضهم».
ووجهت الشكر لفريق عملها، قائلة: «شكراً غازي الملاك الشّغوف المخلص الّلي عرف بحقّق الحلم.. وشكراً سابين الستّ الّلي ماصار متل إصرارها لتنجز مهمّتها بأجمل صوره وبإتقان بالغ.. ومايا الأنيقه اللي اختارت لي أحلى فساتين مناسبه للمناسبة.. شكراً أحمد الدوغجي على الصّوره الرّهيبة.. شكراً طوني صديقي الّلي دائماً سند وبيفكّر لي.. شكراً حنّونه الحنونه الّلي بتخاف عليي خوف الأمّ على بنتها ولذلك بطلع معها غير.. شكراً طوني صوايا طوّلت لي شعري ريحتني من إنتظاره يطول لحاله ومتل ماأنت دائما راقي شاطر هادي .. شكراً للعالميّة سيّدة من لبنان عشقي وهواي الرّاقيه ريم عكرا».
واستكملت: «شكراً صديقتي الحبيبه سلمى لبّستيني أحلى مجوهراتك واخترتي لي واهتمّيتي.. شكراً أهلي أصحابي فرقتي الموسيقيّه أفضل وأهم أساتذة موسيقى بالعالم العربي والمايسترو أخي الصديق مصطفى حلمي وبتمنّى تكون ارتحت بعد كلّ التّعب اللي عشته معي وقبلي حضّرت وذاكرت وأتقنت».
وأضافت: «شكراً أخي أنّوستي على كلّ محبّتك ودعمك وإصرارك تكون دائماً جنبي حبيبي وأنيسي وسامحني عالمفاجأه.. شكراً ولادي أنتوا متل مابتمنّى وبطمح وبتحمّد ربّي عليكم».
وتابعت: «شكراً هيئة التّرفيه وعلى رأسها حبيبنا الطيّب الغالي الّلي هوّه بطل هالليله والدّاعم الأساسي والأهمّ ( أبو ناصر ).. شكراً روتانا بيتي الأوّل والدّائم اللي فيه إخوتي الكتار متجمعين على حلم نحققه سوا وعلى رأسها المُعلّم الموجّه المُحبّ الأبّ أبو فوّاز.. شكراً زوجي الّلي لولاه أنا ماعملت اللي عملته بهالليله والّلي شال عنّي كلّ تعب وكلّ تفكير وترك لي متعة أحفظ وغنّي وبس الدّنيي كلّها فايق».
واختتمت أصالة، قائلة: «وبختم بشكر وطني الحنون وطني الحاضن وطني الأمان وطني الدّاعم وطني الغالي السعوديّة، وكلّلي إمتنان وكلّلي فخر بقيادة وطني العظيمه ملك حفيد ملوك والد للشًباب السعودي حكيم يسمو بهم حتّى طالت بلادي عنان السماء.. وولي عهد بطل من أبطال هالزّمان جريء شجاع طيّب نبيل داعم في جميع المجالات.. وأخيراً بختم بشكركم كلكم الأغلبيه المُحبّه والأقليّه المُنتقده لأنّي لولا هذا وذاك ماحقّقت اللي حقّقته ..تعيشوا ونكرّر هالليلة ليالي كتير بكلّ وطن بقلبي إله مطرح من كلّ بلادنا العربية».
View this post on Instagram
View this post on Instagram
