مدير مستشفى 57357: «اللي بيراقب على فلوس التبرعات ربنا سبحانه وتعالى»
كتب: سماح غنيم
يتعرض مستشفى سرطان الأطفال 57357 إلى أزمة مالية، بسبب نقص التبرعات، خلال الفترة الحالية، وهو ما جعل المصريين يطلقون حملات لجمع التبرعات، لإنقاذ حياة مئات الأطفال الذين يتلقون العلاج داخل المستشفى، واستجاب عدد كبير من المشاهير لهذه الحملات وأعلنوا تبرعهم بمبالغ مالية.
وتعليقا على الأزمة خرج الدكتور شريف أبو النجا، المدير التنفيذي لمستشفى سرطان الأطفال 57357، خلال مداخلة هاتفية ببرنامج "الحكاية"، الذي يقدمه الإعلامي عمرو أديب، ويعرض عبر قناة إم بي سي مصر، ليوضح تفاصيل الأزمة وكل ما أثير حولها من شائعات.
نستعرض خلال السطور التالية تصريحات الدكتور شريف أبوالنجا مع عمرو أديب..
- التبرعات مقلتش بس التكاليف زادت، وإحنا قللنا عدد المرضى اللي بناخدهم 700 مريض خلال السنة دي ولسه هنقلل تاني.
- قللنا عشان أنا عندي ناس كفاءات على أعلى مستوى لازم أحافظ عليهم قبل ما يهربوا برة البلد، والحفاظ على الكفاءات أهم من الفلوس، أنا لو رجعت أفتح عيادتي تاني هاخد في الكشف الواحد ألفين جنيه.
- أنا بقول للطبيب اللي شغال في مستشفى تاني وبيلوم علينا إننا بنعمل إعلانات اشغل بالك بالمستشفى بتاعتك متشغلش بالك بينا.. وإنت عايزني أكشف تفاصيل الإنفاق وأقول إن الطبيب عندي بياخد 40 ألف جنيه في الشهر وزميله في المستشفى الحكومي بياخد 500 جنيه؟.. إنت عايزنا نعمل مشكلة؟.
- لما كنت في معهد الأورام جالي واحد عايز يتبرع بمبلغ 250 ألف جنيه للمرضى قلت لا إحنا نعمل بيهم إعلانات، قالي إنت مجنون، قلت له اسمع كلامي وعملنا إعلانات بـ 750 ألف جنيه وجمعنا 28 مليون جنيه وده اللي إحنا بنعمله في 57357 الجنيه اللي بنصرفه إعلانات بنكسب من وراه تبرعات.
- عندنا مجلس أمناء محترم من أول المتبرعين للمستشفى، معقول دي ناس محتاجين حد يراقب عليهم!؟.
- أنا حلمي نعمل أعلى حاجة علمية وطبية في مصر، أنا عندي أعلى فريق في الإدارة والبيزنس، إحنا شاطرين جدا في البيزنس وبنبعت ناس تدرس تسويق وتخطيط في أمريكا، وبيورونا مستقبلنا فين بعد 5 سنين قدام، فنفسي نحافظ على الحلم ده.
- إحنا معانا ناس جامدين جدا وشاطرين في كل حاجة ومعانا 300 مليون جنيه تشغلنا 4 شهور.
- اللي بيراقب على فلوس التبرعات ربنا سبحانه وتعالى.
- نبطل تشكيك، مش عايزين الناس تصدق اللي بيتقال عننا وعلى رأي المثل "العايبة تلهيك.. واللي فيها تجيبه فيك". اقرأ أيضا.. أهداف وفوائد برنامج «التعاون عبر الحدود».. عهد جديد للشراكة بين مصر والاتحاد الأوروبي
