عمرو يوسف مدافعًا عن شيخ الأزهر: «إحنا وصلنا لأنهي مرحلة»
كتب: عزة عبد الحميد
علق الفنان عمرو يوسف على تحريم البعض لتهنئة الأقباط المصريين بمناسبة الأعياد الخاصة بهم والتي تأتي خلال الأيام الحالية.
وأشار عمرو يوسف، في مداخلة هاتفية مع برنامج "حديث القاهرة" عبر قناة القاهرة والناس، قائلاً :"شيخ الأزهر أحمد الطيب اتهاجم لما نزل بوست بيهني فيه إخواتنا المسيحيين، إحنا وصلنا لأنهي مرحلة، يؤسفني إن لغاية يومنا هذا وفيه حد بيقول لا يجوز إننا نهني المسيحيين، والموضوعين مش مفصلوين عن بعض".
وتحدث عمرو يوسف أيضًا عن دعمه لمستشفى 57357، والأزمة التي تعانيها حالياً بسبب الأزمة الاقتصادية التي تمر بها قائلاً :"مش مصدق إن فيه ناس يطلع منها كلام زي ده، أنا بكلمك عن مستشفى فيها أطفال محتاجين علاج، وشغالة على على مدار السنوات اللي فاتت بفلوسنا وفلوس المصريين، كامل احترامي لكل الدكاترة اللي بيعلموا مجهود خرافي وإحنا بندفع وبنقومها ومينفعش نسيبها تقع لأنها من أحسن المستشفيات".
View this post on Instagram
وأكد يوسف، قائلاً :"اللي بيطلع من القلب بيوصل للقلب، والمستشفى دي مفيش زيها في دول عربية أغنى مننا وأنا اتفرجت على حاجات في المستشفى تؤكد إنه صرح كبير.. مستشفى 57357 صرح كبير لا يصح أن نتركه ينهار وأنا عارف أن فيه أزمة اقتصادية طاحنة على الجميع ولكن مينفعش نقطع أو نمنع الدعم عنها والمستشفى محتاجة والأطفال محتاجين ويتم تقديم خدمات على أعلى مستوى في المستشفى".
