فيفي عبده: «ربنا راضي عليا وبقيت صايعة في السوشيال ميديا»
كتب: مؤمن نصر
سردت الراقصة فيفي عبده، تفاصيل بداياتها الفنية وكشفت عن معاناتها عندما بدأت الرقص، وأوضحت أن طفولتها لم تكن جيدة.
وقالت فيفي عبده: «أنا ربنا راضي عليا ورزقني ببنات صالحات، والأولاد دول نعمة، وبيهتموا بيا ويراعوني يمكن لأني كنت بارة بأمي، ومريت بظروف صعبة ومعشتش طفولتي لدرجة إني رقصت بجلابية لأن مكنش معايا فلوس أجيب بدلة رقص، وبحاول أعيش حياتي وأعوض اللي فات ومش معنى إني جدة يبقى راحت عليا».
وأضافت: «أنا بيطلع عليا شائعات دايما لأن الجمهور بيحبني وأنا شجرة مثمرة وبيحدفوها بالطوب ودا طبيعي، ولكن أنا خلاص بقيت صايعة في السوشيال ميديا ومبقتش اتأثر عكس زمان، وحاسه إني 25 سنة ومعنديش استعداد أعجز لأني بحب الحياة».
