«بدخن فيب ومعرفش الكوكايين».. اعترافات منة شلبي أمام «النيابة» قبل محاكمتها

تنظر محكمة شمال القاهرة محاكمة الفنانة منة شلبي لاتهامها بإحراز المواد المخدرة بقصد التعاطي.

في وقت سابق أمرت النيابة العامة بإحالة المتهمة منة شلبي للمحاكمة الجنائية؛ لمعاقبتها على ما أُسند إليها من إحرازها جوهر الحشيش المخدِّر بقصد التعاطي في غير الأحوال المصرَّح بها قانونًا.

وقد أقامت النيابة العامة الدليلَ قِبَلها من شهادة خمسة شهود على الواقعة، وما توصلَّت إليه تحريات الشرطة، وما ثبت بتسجيلات آلات المراقبة بمحلِّ ضبطها، فضلًا عمَّا أسفر عنه فحص المعمل الكيماويّ للمضبوطات المعثور عليها بحوزتها.

وبسؤالها عن المضبوطات قالت الفنانة منة شلبي في التحقيقات أمام النيابة العامة :«اللى حصل ان انا كنت مسافرة نيويورك علشان احضر مهرجان انترناشونال وانا النهارده الصبح وصلت مطار القاهرة وعديت علي الجمارك وانا خارجة وكان معايا تلات شنط والدنيا كانت زحمة وانا حطيت الشنط الي معايا علي السير علشان يتشاف فيها ايه ولقيت واحد من الي واقفين في الجمرك بيقولي معاكي فيب  التكرونية فانا قولتله اني انا بدخن فيب».

وانكرت منة علاقتها بالمواد المخدرة المضبوطة موضحة :«كنت بفتح الشنطة علشان اوريله الفقديب لقيت واحد تاني جيه وقالي احنا هنفتح بقيت الشنط نشوفها وانا وافقت وقولتله اتفضل وقعد يقلب في الشنط وبعدين جه واحد تالت كان بيفتش معاهم وانا طلعت الفيب السجاير الالكترونية وواحد منهم قالي ممكن تقعدي شويه ووداني اوضه في الجمارك قعدت فيها شويه والشنط كانت معاهم في الوقت ده».

وأضافت :«وبعد شويه لقيت ناس كتير وظباط مطلعين علبة ميكب لونها اخضر بيقولي ان ديه فيها ماريجونا فقولتله مفيش الكلام ده مش صح وده ميكب عادي فلاقيته بيقولي معاكي كوكايين قولتله انا مش بشرب الحاجات ديه اصلا وبعدين قالولي طيب استني شويه وبعدين انا بقيت سامعه کلام کثیر بره وبعد ساعتين تلاته لاقيتهم بيقولي اطلبي المحامي بتاعك فبقولوهم ايه الي حصل قالولي انتي معاكي ماريجوانا وبعدين قالي انتي هتتعرضي علي النيابة وبعدين وانا قاعده لاقيت اخبار نازله اني انا مقبوض عليا ومعايا مخدرات وفضلت هناك لما جيت هنا واتعرضت علي النيابة».