أحمد آدم: الشغل مع عادل آدم حاجة تانية وأنا من جمهوره.. ومحمد صبحي ديكتاتوري

كشف الفنان أحمد آدم، عن علاقته بالزعيم عادل إمام والفنان محمد صبحي خلال مشواره الفني معهما.

أكد آدم في البداية أن العمل مع الزعيم عادل إمام مختلف تماما، خاصة أنه تجمعه به علاقة صداقة من قبل المشاركة في فيلم "المنسي" قائلا: "الشغل معاه حاجة تانية وهو كان بيحبني أوي ولما عرفته على المستوى الإنساني حبني أكتر وأنا من جمهوره".

وتابع: "عادل إمام مع أصحابه بيشيل كل الحواجز وبيبقى في تواضع وبيطلب رفع الألقاب، وهو بيفيد كل اللي معاه وبيشوف الدائرة اللي حوليه، وهو محترف وفنان وإنسان".

إقرأ أيضًا: بسبب «فيلم هندي».. أحمد آدم يهاجم منة شلبي: «ندمان إني اشتغلت معاكي»

وعن علاقته بالفنان الكبير محمد صبحي قال: "هو مؤمن بديكتاتورية التنفيذ وديمقراطية الحوار، وهو من أعظم مخرجين الوطن العربي وعمل مسرحيات تفضل شغالة لـ30 و40 سنة وأفكارها عالمية، يتفرج عليها أي حد".

واختتم أحمد آدم حديثه قائلا: "صبحي بيبقى في دماغه تركيبه وشكل الضحك والموضوع وبيبقى لهم تركيبة صعب تخش تبوظها، وهي مش ديكتاتورية على قد ما هي إن الممثل جزء من الصورة مش الصورة كلها"، وجاء ذلك خلال استضافته مع الإعلامية أسما إبراهيم في برنامج حبر سري" عبر قناة "القاهرة والناس".