مفيدة شيحة: لو أي حد تنمر عليا هرشقه في الحيط

كشفت الإعلامية مفيدة شيحة عن أنها لا تمانع في إجراء ابنتها لعملية تجميل ولكنها وضعت ضوابط لذلك.

وأضافت مفيدة شيحة، في برنامجها "الستات"، المذاع عبر قناة "النهار"، مساء اليوم الأربعاء: "إجراء عمليات التجميل خلال الفترة الأخيرة زاد بشكل كبير، وخاصة بين الفتيات وحصلت خناقة بجلاجل مع بنتي وبنات أخويا، وده كله عشان عايزة تعمل شفافيها بهدف تجديد الترند".

وتابعت: "وفي نفس الوقت اعترضت اختي، وبقت خناقة ما يعلم بيها إلا ربنا، وما بقولش نروح لطبيب تحت بير السلم وكله في إطار الضروري".

واستكملت: "لو البنت احتاجت حاجات بسيطة تروق بيها عن نفسها ايه المانع عشان تبقى أحلى، مش بقول الأوفر مع ولادنا ولكن علينا أن نعرف أن الحياة اختلفت".

واختتمت: "لا أُمانع إجراء عملية تجميل لابنتي ولكن بضوابط، ولو أي حد تنمر عليا هرشقه في الحيط".