مدحت صالح يكشف سبب رفضه المشاركة في برامج اكتشاف المواهب
كتب: عزة عبد الحميد
كشف الفنان مدحت صالح عن سبب رفضه المشاركة في لجان تحكيم برامج اكتشاف المواهب الغنائية.
وأضاف مدحت صالح من مقابلته مع برنامج "حبر سري" أنه يرى نفسه لا يمتلك الخبرة الكافية لتقييم مواهب الآخرين.
وأوضح: "مابحبش أصدر أحكام، مقدرش أقول إني وصلت لمرحلة أقول أن ده تمام أو 10/10، ما أحبش أبقى في الحتة دي، بس في ناس تانية عندهم القدرة".
وتابع: "أنا دايما عايز حد يقيمني، بابقى محتاج أكتر من إني أقيم حد".
ونفى أن يكون للمقابل المادي أي تأثير على تغيير قراره، مؤكدا: "هبقى خايف من نفسي، أبقى ظلمت حد، خليت حد مايستحقش خد حاجة، الفكرة مش عندي أنا".
واختتم مدحت صالح رده قائلا: "ربنا مديني فلوس كتير، مش محتاج للفلوس أوي، المسألة كلها إنسانية، بخاف لو قلت لحد لأ، بيصعب عليا، زي ما أنا بتفرج في البيت وأحس أن ده كويس ويصعب عليا ينكسر خاطره ويتقال له أنت مش موجود، وأنا ماحبش أكسر خاطر حد".
