الإعلامية دعاء فاروق توجه رسالة شديدة اللهجة لمتابعيها الرجال: اللي هيقول كلمة مش مظبوطة «هشوطه»
كتب: شروق خالد
عبرت الإعلامية دعاء فاروق عن استيائها وغضبها الشديد من ردود أفعال متابعيها الرجال غير اللائقة على منشوراتها، مهددة إياهم بـ"التهزيق" و"البلوك".
وكتبت "فاروق"، منشورًا عبر حسابها الشخصي على "فيس بوك" قالت فيه: "عشان نبقي على نور يا جماعة ومفيش ست تدخل تلاقي جوزها بيتهزأ عندي فتزعل.. أي راجل هيدخل يعلق بطريقة غير لائقة ويمصمص لي شفايفه على أي صور لصديقاتي أو أخواتي أو صوري أو شكلي الراجل اللي هيفتحها ويبص عليها ويبدأ يلت ويعجن وينظر على شكل أو حجاب أو لبس هيتهزأ قدام أمة لا إله إلا الله".
وتابعت: "ملكش حكم غير على أهل بيتك وممنوع تدخل تنطق بحرف لا حلو ولا وحش في الحالتين بعمل بلوك.. اللي بيتغزل أو بيقول كلام مايع بيتهزأ ويتعمله بلوك زيه زي اللي بينظر ويدخل يحاسبني إني بتاعت البرامج الدينية ويقعد ينظر على شكل أي حد ويخرجنا من منظومة الأخلاق والدين اللي محاوطاه ومحاوطة أهله فقط، الإتنين هيتهزأوا ويتعملهم بلوك".
واستطردت: "مفيش رجالة محترمة تدخل تبص وتتكلم على شكل أي ست عندى على صفحتي مهما حطيت من صور كلهم زملاء وسيدات محترمات لابسة إيه أو شكلها إيه، ده مش موضوعك عشان كرامتك مش هتعرف تلمها.. أنا بتناقش مع الستات وبحاول أوصل وجهة نظري معاهم في بعض المواضيع إنما مش بتناقش مع رجالة.
واختتمت دعاء فاروق منشورها قائلة: "الراجل اللي هيدخل يقول كلمة مش مظبوطة هشوطه أنا مش بتملق حد ولا يفرق معايا مخلوق تحاسب نفسك الأول على حياتك ونواقصك قبل ما تدخلوا تحاسبوا الناس على حاجة مش من حقكم.. اللهم بلغت".
إقرأ أيضًا: دعاء فاروق تُكشر عن أنيابها لـ إحدى المذيعات: «مسنودة على كوم فلوس فقط»
