دينا: حاولت أصحح فكرة «الرقاصة» عديمة الأخلاق.. دي وجهة نظر بني آدم مش تركيبة رقاصة

كشفت الفنانة الاستعراضية دينا، عن كيفية تعاملها على مدى السنوات الماضية مع الأصوات المنتقدة لفن الرقص الشرقي في مصر، مشيرة إلى أنها حاولت أن تجعل من حولها يعيدوا النظر في فكرة الراقصة، بأنها ليست خطافة رجالة أو عديمة الأخلاق.

وقالت دينا: "من زمان أوي وأنا قاعدة جوه البالونة بتاعتي، وحاطة فيها الناس اللي عايزة أشوفهم، والناس اللي بتتكلم عن الرقص بشكل سلبي بعتبرهم بره البالونة، فصوتهم مش واصلي".

وتابعت: "أنا حاولت أخلي كل اللي حواليا يحترموني على قد ما قدرت، وكنت بتصرف بطريقة تليق ببني آدم محترم".

واستطردت: "حاولت أخلى الناس تعيد النظر في فكرة الرقاصة المنحلة اللي معندهاش كبير، عديمة الأخلاق ودايما تتكلم بشتايم، وإنها خطافة رجالة وبتعرف الناس عشان فلوسها، دي وجهة نظر بني آدم مش وجهة نظر أو تركيبة رقاصة".

إقرأ أيضًا: يسرا ولبلبة ترقصان على انغام إليسا بحفلها الغنائي في مهرجان البحر الأحمر.. وبوسي شلبي توثق الحدث

واختتمت الفنانة الاستعراضية دينا حديثها قائلة: "قدامي طول العمر أغلى ناس، عمري ما فكرت ارتبط بحد أنا محبتوش، أنا مبختارش شخص عشان مواصفاته، ممكن يكون أقل راجل، لكن فيه المواصفات اللي أنا عايزاها"، وجاء ذلك خلال استضافتها مع الإعلامية لميس الحديدي في برنامج "كلمة أخيرة" عبر قناة on e.

#دينا: حاولت أخلي كل اللي حواليا يحترموني عشان الناس يعيدوا النظر في فكرة "الرقاصة" وإنها عديمة الأخلاق وخطافة رجالة#كلمة_أخيرة@lameesh pic.twitter.com/yYrZrVUBNf

— كلمة أخيرة مع لميس الحديدي (@KelmaAkhira) February 12, 2023

ومن ناحية أخرى، تتواجد دينا في الموسم الدرامي الرمضاني 2023، من خلال مسلسل "حضرة العمدة"، إذ بدأت مؤخرًا تصوير مشاهدها في العمل، الذي تجسد فيه دور فلاحة لأول مرة.

المسلسل من تأليف الكاتب إبراهيم عيسى، ومن بطولة روبي، أحمد رزق، إدوارد، صلاح عبد الله، محمود حافظ، بسمة، وغيرهم، ومن إخراج عادل أديب.