الرئيس السيسي من الإمارات: إن التحدى الأول لمصر كان حالة التشرذم والتفكك

قال الرئيس عبد الفتاح السيسي، إن التحدي الأول للدولة المصرية بعد عام 2011 كان مواجهة حالة التشرذم والتفكك وفقد الأمل واليأس لكل المصريين.. وتابع: "ودي مش وليدة 2011.. ده منهج اتعمل على مصر بفكر معين علشان الدولة لما تقع هتبقي في ايديهم.. الدولة لما بتقع مش ترجع تاني".

وأضاف الرئيس السيسي، خلال كلمته في القمة العالمية للحكومات المقامة في دبي بالإمارات: "بقول للمنطقة العربية.. الدولة اللي تقع صعب رجوعها.. ومصر رجعت ليه؟!.. دي إرادة ربنا.. دي كانت حالة تشرذم ويأس عند المصريين.. وتحديات أخري واجهناها".

وأكمل الرئيس عبد الفتاح السيسي حديثه عن التجربة المصرية قائلا: "هتكلم عن التجربة المصرية كحكومة ومسار.. البداية في 2011 ومش بكلم المتخصصين والمفكرين.. أنا بكلم شعوب.. التجربة المصرية بقولها للناس.. والمتخصص عارفين كلام كتير من اللى بقوله.. واللى بيدير دولة عارف إيه متطلبات الدول.. مصر موجودة علشان تحكي حكاية، ومسارها في 11 سنة".

وأضاف الرئيس السيسي: "عام 2011 كان حاسمًا وكاشفًا.. كادت مصر أن تضيع.. ومحدش نجي إلا مصر.. لو اتكلمت عن التحديات المتوازية.. يعني إيه متوازية.. ما فيش تحدي قبل تحدي.. التحديات كلها على خط واحد.. مفيش أولويات إنى آخد ده وأسيب ده.. ما ينفعش تتساب.. لازم مجابهة كل التحديات".