زعمت زواجها منه.. محمد الشقنقيري ينتصر قضائيًا على رحيل ذكرى

انتصر الفنان محمد الشقنقيري، في معركته القضائية ضد عارضة الأزياء رحيل ذكري، والتي زعمت الزواج منه، بعد نشرها صورا جمعته بها، وذلك من خلال مواقع التواصل الاجتماعي.

وعقب الشقنقيري على الحكم الذي جاء لصالحه وتغريم المحكمة لها 50 ألف جنيه، وذلك بعد فترة من الصمت، وكتب عبر حسابه الرسمي على "فيسبوك": "أنا مرضتش اتكلم في المشكلة إلي حصلت إلا بعد ما القضاء يقول كلمته..وحقيقي شيء موسف جدا إنك تضطر إنك تاخد رد فعل عنيف كده مع أي حد خصوصا لو واحدة ست في قضية زي دي بس كمية الكدب والأفلام اللي اتعملت كانت اكتر من انها اسيبها من غير ما أخد رد فعل قانوني".

وأضاف: "أنا التزمت الصمت تماما ولجئت إلى القضاء ورفعت قضية من شهر 6 إلى فات وبعد تحريات النيابة والأدلة اللي قدمتها والي بتثبت كذب ادعاء المتهمة تم تحوليها للقضاء وتم الحكم عليها وتم إثبات أن كل الكلام الي قامت المتهمة بنشره هو كذب و تلفيق".

وتابع: "الساده للصحفين الي بيكلموني عشان يعرفوا الي انا قدمته في النيابة انا بعتذر جدا لان السوشيال ميديا مش المكان اللي الواحد بياخد حقه فيه  و التصريح الوحيد الي عندي قلته:"ان انا كنت راجل مطلق واعزب ولن اخوض في عرض اي شخص ظهر معي اثناء فتره طلاقي، لكني لم اتزوج اي امراة ولا رسمي ولا عرفي ولا حتي شفوي في حياتي إلا زوجتي".

وأردف الشقنقيري: "والناس الي كانت بتسال هو أنا ساكت ليه أنا مكنتش ساكت انا كنت بتحرك بالطريقة الشرعيه والقانونية.. وانا ورافع ٤ قضايا دي لسه أول قضية وهي اثبات كذب كل ما تم نشره علي السوشيال ميديا واثبات التشهير ولسه المتهمة ستواجه 3 تهم أخري و3 قضايا اخري وهم الابتزاز و السب و القصف و التعويض".

واستكمل: "وحاليا مطلوب القبض علي المتهمة من جهة تنفيذ الأحكام.. لان مافيش حد بيقول انه متجوز بشوية صور، و طبعا  ده غير تضارب اقوال المتهمة انها حكت حوالي ١٠٠ قصة مختلفة مرة قالت عرفي ومرة رسمي ومرة قدام ماذون و مرة قدام محامي وكل ده من غير اي اثبات بس كلام مرسل وطبعا الاكاذيب دي متسجلة في تحريات النيابة.. اللي بيجوز لازم يكون في عقد او اي ورقة رسمي لكن حد خرج مع حد كام مرة ده مش جواز".

واستطرد: "انا مغلطش في حق حد ولا صورت حد وفضحته ولا شتمت حد ولا حتي خرجت مع حد غصبا عنه… وطبيعي جدا وحقي اني ابعد عن اي حد لقيته مش مريح.. 
و اذا كان في طرف  حب يخرب حياتي بشوية كذب لما عرف ان انا ومراتي رجعنا لبعض فدي مشكلته هو".

واختتم، قائلا: "اخيرا انا بعتذر للناس اللي اتضايقوا وبشكر كل الناس المحترمة الي استنوا لحد ظهور الحكم عشان يتكلموا في الموضوع و اخيرا سوف يتم اتخاذ الاجرات القانونية ضد اي شخص او منصة او جريدة تنشر اي اخبار متعلقة بهذا الموضوع دون اي دليل قضائي او دون الرجوع الي.. واظن ان بعد حكم المحكمة مافيش كلام تاني".

محمد الشقنشيري