بعد تصدره التريند.. تعرف على القصة الكاملة لأزمة أحمد آدم وتامر حسني

تصدر اسم الفنان أحمد آدم مؤشرات البحث على موقع جوجل بعدما تحدث عن الفنان "تامر حسني" خلال برنامجه "آدم شو" والتي كان يناقش فيها قضية التريند التي يجري ورائها الجميع، حيث أن أي هجوم سلبي على أي شخصية عامة تجعل صاحبها يصبح تريند على مواقع التواصل الاجتماعي.

قام الفنان أحمد آدم خلال برنامجه بتجسيد ظاهرة التريند أمام جمهوره حيث قام بتمثيل ظاهرة التريند وقال: " تعالوا نلعب لعبة، ونقدم مقطعين فيديو واحد إيجابي وواحد سلبي، ونشوف أي تريند اللي هينتشر وأراهنكم دلوقتي إن السلبي هينتشر".

ما قصة الخلاف بين أحمد آدم وتامر حسني 

قام الفنان أحمد آدم بالتحدث عن الفنان تامر حسني بطريقة إيجابية فقال: " تامر حسني أول ما طلع قلنا يومين وهيخلص لكن هو بيعمل عظمة، بيقدم أغاني مكسرة الدنيا، وأفلامه مكسرة الدنيا وبيعرف يفكر ويطور من نفسه، وبيخرج ويمثل ويكتب سيناريو، وبيفكرني بأنور وجدي".

وبعدها قام الفنان أحمد آدم بالتحدث عن تامر حسني في فيديو منفصل بطريقة سلبية حيث قال: " تامر حسني مين مش واخد بالي، مش كفاية عليك كدا بقا ولا إيه، أول ما طلع طلعلنا شعر صدره وقعد يمصمص في شفايفه ويسبّل للبنات، وبيقدم شوية أغاني تعبانة ويعني إيه أكتر حاجة بحبها فيكي، طيبة قلبك، إسفاف، وأفلامه وحشة جداً، وهو اللي بيألف وبيخرج وهو اللي بيعمل موسيقى تصويرية، وهو اللي بيقطع التذاكر بيعمل كل حاجة، أنت مغني ولا كوميديان ولا أنت إيه بالظبط؟ كفاية عليك كدا".

بعدها قامت صفحة البرنامج بنشر مقطعين الفيديو منفردين فتداول رواد مواقع التواصل الاجتماعي حديث أحمد آدم بشكل سلبي وتجاهلوا حديثه بطريقة إيجابية.

أول رد من تامر حسني 

بعد الجدل الذي أثير حول أحمد آدم رد تامر حسني عليه لاوقام بتوجيه الشكر له على صفحته الرسمية فقال: " شكراً أستاذ أحمد آدم لكلامك وإشادتك الحقيقية في حقي هي شهادة عظيمة من فنان محترم وكبير بفنه وأخلاقه، استاذ احمد آدم فعلاً بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس و خليتهم يبيعوا مبادئهم و صداقتهم و امانتهم لمجرد إن الناس تعرفهم أو تتكلم عليهم و لو ليوم واحد ونسيوا إنه لا يصح إلا الصحيح عشان ده عدل ربنا".

وتابع: "و اي افاقين مع الوقت هتلاقيهم بيختفوا و المحترم الحقيقي هو اللي بيستمر اصل لما نهتم و نرد على كل كداب امال اللي بيحبونا نعمل معاهم ايه!!!!؟ تابعوا قلوب الناس و المواقع اللي هتاخد كلام الأستاذ أحمد السلبي وينشروه وعلموا عليهم عشان تعرفوا حقيقتهم … والحقيقه إن فعلاً الكلام السلبي هو اللي انتشر".