إحسان الترك: منعت بنتي من التمثيل عشان إحنا صعايدة.. ومحمد رمضان أنقذني

حل الفنان إحسان الترك، ضيفًا أمس، عبر برنامج نص الكلام، مع الإعلامية راغدة شلهوب، والذي كشف عن تفاصيل تخص ابنته التي منعها من التمثيل، بعد أن شاركت في فيلم "فرح" عام 2004.

وقال إحسان الترك، منعت ابنتي نور من التمثيل لأنها كبرت شوية فقولتلها اقعدي إحنا صعايدة، عشان أنا عايز اسمي يفضل محترم أما أروح مكان ميتقالش لبست إيه وعملت إيه.

وأضاف: لو رجعت دلوقتي مش هقدر اتكلم هي زوجة ومكلفة من رجل، وكبيرة دلوقتي وهتقدر توزان وتشوف الفروقات.

وأشار إحسان الترك، إلى ما فعله محمد رمضان معه ومشاركته له في مسلسل "حضرة العمدة" مؤخرًا قائلًا:"اللي عمله محمد رمضان معايا عمله ابن بار لأبوه.. هو ومحمد سامي خلقولي دور، بعد ما قعدت في البيت 5 سنين من غير شغل".

واستطرد: "أنا بعت عفش بيتي عشان كنت ساكن في مكان كبير ودلوقتي قاعد في شقة صغيرة، ومناشدتش أشرف زكي عشان أشتغل لأنه عليه حمل تقيل ومقدرش أحمله زيادة عن طاقته".