نجلاء بدر: الرجالة بتخاف من الست القوية

كشفت الفنانة نجلاء بدر عن نصائح والدها لها، وطريقة تربيته لها والتى نجحت من خلالها أن تكون امرأة قوية تعتمد على نفسها.

وقالت بدر، في لقاء لها مع أحد البرامج الفنية: "بعض الرجال بيخافوا من الست القوية اللي بتعتمد على نفسها، والبعض الأخر يشجعها".

وأكدت نجلاء بدر، أنها تعلمت القوة والاعتماد على نفسها من والدها، قائلة: "والدي كان بيشجعني على العمل والدراسة اكتر من الزواج، وقالي: دوري اخليكي تعتمدي على نفسكي وأمنك اوصلك لمرحلة تعليمية تقدري تعتمدي على نفسك وماتعتمديش على حد".

وتابعت: "في فترة اتقدملي حد واشترط اني أبطل الشغل وافقت لكن بابا رفض واعترض وقالي ان الراجل ده أناني".

واستطردت: "بعد وفاة والدي قعدت 8 سنين من غير أب ومن غير وزوج، ولولا اللى اتعلمته من بابا كان زماني أي حد يتقدملي اوافق عشان يصرف عليا وعشان يكلم السباك ويصلح العربية أنا عملت كل ده بنفسي لأن بابا علمني أعتمد على نفسي بنفسي".