«ضياع القيمة الذاتية بعد التربية المهينة».. عنوان الحلقة الرابعة من برنامج «رميم»

شهدت الحلقة الرابعة من برنامج «رميم» بعنوان «ضياع القيمة الذاتية بعد التربية المهينة».

ويهدف برنامج رميم إلى إعادة ترميم روح وشخصية الإنسان من الإنكسارات التي يمر بها في الحياة، والتي يتم عرضها على قناة ON ،و عبر صفحة الداعية مصطفى حسني الرسمية عبر قناة يوتيوب.

وفي بداية الحلقة بدأ الداعية مصطفى حسني قائلاً: «في ناس مقامهم في قلبك كبير لدرجة إنك بتعرف قيمتك من نظرة عنيهم ليك لو طمنوك على نفسك أنت بتتطمن، وكلامهم ليك هو اللي بيصنع صورتك قدام نفسك، وأنت قاعد لوحدك حوارك اللي جوه بيبقى نسخة من رأيهم فيك الناس دول هما أبوك وأمك، لو حنوا عليك وطمنوك بتطلع قوي وجبل ولو قلوا منك وكسروا فيك يمكن قيمتك قدام عنيك تبقى صغيرة وتفقد في نفسك الأمل».

أخطاء في التربية تدمر شخصية الأبناء:

الأبناء بتشوف نفسها بنظرة الأب والأم ففي بعض الأخطاء ممكن تسبب تدمير لذات الأبناء.

1-التربية بالإهانة الدائمة "بيكون طريقة التشجيع أو العتاب إهانة".

2- الرفض والإهمال"إن يكون الرفض والإهمال من الأب والأم ولم يوفروا وقت لأبنائهم".

3-المقارنة المهينة"مقارنة الأب أو الأم بأطفال آخرى أحسن وده معناه في نفسية الأطفال إن أنا نفسي يكون ده ابني أو بنتي".

فإذا كنت بتتكلم عن نفسك دائمًا كلام سلبي أو قابل بعلاقة كلها إهانة.. اعرف إنك مستقل نفسك وممكن ده يكون بسبب التربية اللي اتربتها.. وهنا لازم تعيد ترميم قيمتك الذاتية. 

عواقب التربية المهينة:

1-شئ من العار يلازم الإنسان وكإنه مش كفاية إن حد يحبه.

2-ينسى أو يخاف يطلب حقوقه أو لو طلبها يطلبها بعنف وهجوم شديد في مواقف طبيعية جداً.

3- إنه يبقى شخص إعتمادي ، لم يملك ثقة في نفسه وخايف أن يتم تركه.

4-عنده عطله عن الإنجاز .

كيف تسترد قيمتك بعد التربية المهينة؟

1-هتتصدر لمسئولية بناء نفسك حتى لو اتهدمت بسبب التربية.

2-ضع حدود رحيمة لأهلك لو الإساءة لسه مستمرة.

شخصيات سوية بعد تربية مهينة:

- لو قدرت تعيد بناء رميمك أول حاجة هتحصلك إن هتقدر تشوف العوض والخير اللي ربنا عوضك بيه.

1-انت ياما اتوجعت من أهلك في التربية ودعيت بالفرج وبالعوض.. انت اللي قولت "إنا لله وإنا إليه راجعون.. اللهم أأجرني في مصيبتي واخلفني خيرًا منها".. ربنا أخلفك خيرًا منها وانت محتاج تشوف ده.. بس ده مش هيحصل إلا لما تعيد بناء قيمتك الذاتية اللي اتهدمت بسبب التربية المهينة.

2-هيبقى عندك قدرة على اللمعان وانت مطفي، هيبقى عندك ثقة في نفسك ومش خايف لأنك انت مليان بعطايا ربنا واللي حصل في الماضي لم يؤثر على المستقبل.

علامات التعافى:

1-الكلام على نفسك بطريقة إيجابية.

2-القدرة على الدعاء لأهلك بالخير لو عايشين والرحمة لو فارقوا الدنيا.

والجدير بالذكر أن الداعية مصطفى حسني قدم شهر رمضان الماضي برنامج "القناع" وناقش البرنامج الفطرة الطبيعية الذي خلق الله الإنسان عليها ،وأن الله خلقنا و وضع فينا من صفاته على قدر الإنسان،و إذا سيطر الخوف على أي شخص فسيحجب عنه شخصيته الربانية الصادقة.