غادة عبد الرازق لـ أحمد زاهر: «لو عندي مشكلة معاه مش هدخل بنته الشغل»
كتب: عزة عبد الحميد
ردت الفنانة غادة عبد الرازق على ما صرح به الفنان أحمد زاهر بشأن الخلافات، والتي أكد من خلالها وجود عداء بينهما.
وقالت غادة عبد الرازق خلال تصريحات تليفزيونية لها أمس الجمعة: «هو بيقول حاجة وهو مش متأكد منها عمري ما كان عندي مشكلة مع أحمد، عمري ما اتخانقت معاه أو شدينا في الكلام، أنا مش مسؤولة عن كلامه، ليلى أحمد زاهر مرشحة معايا لمسلسل تلت التلاتة من البداية لحد دلوقت، ولو كان عندي مشكلة مع أحمد عمري ما أدخلها في الشغل».
وأضافت قائلة: «أنا عندي نظرة في الممثل اللي مش لازم يبقى دايمًا بيعمل الدور ده، راهنت على محمد القس وراهنت عليه أكتر لما عمل كوميدي، هو ممثل شاطر جدًا وعشان كدا هيقدم دور مختلف في مسلسل تلت التلاتة».
وكان الفنان أحمد زاهر قد صرح مؤخرًا في لقاء تليفزيوني، قائلًا: «في عداوة بيني وبين غادة عبد الرازق، لكن من ناحيتها هي أنا معملتلهاش حاجة.. ممكن تكون مش بتحبني.. هي حرة مش هجبر حد إنه يحبني، رغم عدم حُبها ليا، لكن هي من أقوى الممثلات في الوطن العربي، وعملنا مع بعض مشاهد حلوة في حكاية حياة».
