الداعية مصطفى حسني يوضح كيفية التعافي من حادثة التحرش

أثار الداعية مصطفى حسني في الحلقة التاسعة من برنامج "رميم" موضوع "كيفية التعافي بعد حادثة التحرش"، والذي يعرض على قناة ON، وعبر قناته الرسمية بموقع يوتيوب.

وناقش الداعية مصطفى حسني "كيفية التعافي بعد حادثة التحرش" قائلا:

"في إنسان ممكن يكون عايش وسطنا لكنه مسجون في حيوانيته.. لا تتعدى أهدافه إلا إنه يملأ بطنه ويشبع نوم ويجري ورا شهواته وغرائزه.. في إنسان ممكن يكون عايش وسطنا لكنه مسجون في حيوانيته.. لا تتعدى أهدافه إلا إنه يملأ بطنه ويشبع نوم ويجري ورا شهواته وغرائزه..

لا شك إن وجع مؤلم جدًا للقلب وساعات بيؤدي إن البنت بتبقى كارهة نفسها وكارهة جسدها بعد التحرش.. لكن الموقف عدى وانتِ دلوقتي مسئولة عن محاولة إعادة بناء ثقتك بنفسك وعلاقتك بنفسك بعد هذا التحرش.. لإن هذا الإنسان اللي مش إنسان اللي عمل كده.. راح في حال سبيله وممكن دلوقتي يبقى بيفكر في حاجات تانية وانتي مش على باله زي ما بيقولوا.. فانتي كمان لازم تتحملي مسئولية نفسك عشان تقدري تتعافي من الوجع ده..

التحرش بأي بنت تجربة مؤلمة بيكسر حاجات في القلب بتحتاج ترميم ورحلة للتعافي.. لو مامشيتش في رحلة التعافي دي بالذات جو البيئة المحيطة كانت بتلومها كمان إن هي السبب.. القلب بيتكسر وبيبان الكسرة دي في:

1. كراهية فكرة الشهوة
2. بتعيش بمشاعر دفينة فيها مرارة تجاه أقدار الله
3. حمل شعور العار

لإعادة بناء علاقتك بنفسك بعد حادثة التحرش:

1. طلعي نفسك بره القضية.
2. اعرفي إن ربنا هياخدلك حقك.
3. انتِ بخير.. كملي حياتك.
4. اتكلمي مع متخصص".

يذكر أن، برنامج رميم يهدف إلى إعادة ترميم روح وشخصية الإنسان من الإنكسارات التي يمر بها في الحياة.

يذكر أن الداعية مصطفى حسني، قدم شهر رمضان الماضي برنامج "القناع" وناقش البرنامج الفطرة الطبيعية الذي خلق الله الإنسان عليها، وأن الله خلقنا ووضع فينا من صفاته على قدر الإنسان، وإذا سيطر الخوف على أي شخص فسيحجب عنه شخصيته الربانية الصادقة.