ياسمين رئيس: اتخانت كتير.. ونظرتي للحياة اتغيرت بعد وفاة والدتي

كشفت الفنانة ياسمين رئيس عن معاناتها بعد وفاة والدتها وتأثيرها على حياتها، كما كشفت عن تعرضها للخيانة.

وقالت ياسمين رئيس في برنامج حبر سري والتي تقدمه الإعلامية أسما إبراهيم: وفاة والدتي اتعلمت منها أن الحزن لازم ياخد وقت ويخلص ومش هينفع نعيش فيه طول الوقت لانه بيأثر على الصحة ونظرتي للحياة بقت مختلفة.

وتابعت: فترة مرض أمي شيلتني المسئولية واتوفت بسبب الكانسر ولما عرفنا كانت فترة الكورونا والموضوع كان معقد وبقيت مسئولة عن قرارات مهمة.

وأضافت ياسمين رئيس: والدتي توفت وكانت لسه صغيرة عندها 60 سنة وهي خدت حتة مني وراحت وبقيت بشوف نفسي فيها بعد ما ماتت.

وتحدثت ياسمين رئيس عن تعرضها للخيانة وقالت: مش كل الرجالة خاينين ، ومفيش صفة تقدر تعمميها على الكل، بس أنا اتخانت كتير جدًا واكتشفت ناس خاينة كتير رجالة وستات وفي ناس كتير بتخون طول الوقت.