أحمد فهمي: وجود حملات لخلق انطباع غير حقيقي عن نجاح أعمال فنيّة في رمضان

صرح الفنان أحمد فهمي عن وجود حملات موجهة في خلق انطباع غير حقيقي عن نجاح أعمال فنيّة، وخاصة في موسم رمضان.

وأشار أحمد فهمي، خلال لقاء مع برنامج "مساء dmc"، قائلاً :"زمان كل حاجة كانت أحلى، رمضان والعيد، وحتى النجاح في الشغل كان طعمه أحلى، دلوقتي كل حاجة بقت مزيفة، وبتوع التريندات أكثر ناس بينجحوا في رمضان".

وأضاف، قائلاً :"نجاح العمل بيظهر في الشارع، وكل واحد دلوقتي عنده فريق سوشيال ميديا، وأنا عندي فريق سوشيال ميديا لكن عمري ما أستخدمه علشان أزيف حقيقة وأقول إني رقم واحد في رمضان لو أنا مش كده، ممكن أبقى ناجح، مش شرط كل سنة مسلسلي أو أغنيتي تبقى رقم واحد".

وأكد على ما يتعرض لهه من حملة تشويه، قائلًا :"لما عملت مسلسل (رجالة البيت) مع أكرم حسني حصل هجوم كبير على المسلسل، ووقتها استغربت لإن الهجوم كان عنيف حتى لو في واحد المسلسل مش عاجبه".

وردًا على سؤال عن سبب وقوف ممثل شهير خلف تلك الحملة، رد قائلاً :"كان في مشروع بيني وبينه وأنا محبتش أعمله، وهو بيعمل كده مع ناس كتير".