5 شائعات وراء انفصال تامر حسني وبسمة بوسيل

تصدر اسم الثنائي تامر حسني وبسمة بوسيل، محركات البحث جوجل خلال الساعات القليلة الماضية بعد أن أعلنت بسمة انفصالها بشكل رسمي من زوجها المطرب تامر حسني، بعد زواج دام 12 عام وانجبا ثلاثة أطفال هما تاليا وأمايا وآدم.

ولعل هذه المرة الأصدق فيما يحدث في حياة تامر حسني والتي طالتها العديد من الشائعات خلال الشهور الماضية، وهناك بوادر لذلك منذ عدة سنوات. 

الشائعة الأولى 

كانت البداية بعد عامين من زواج تامر حسني وبسمة بوسيل، وتحديدا في عام 2014 حيث انتشرت العديد من الأقاويل عن انفصال الثنائي، بسبب غيرة بسمة الشديدة على تامر حسني من معجباته، ولم يعلق الطرفين على تلك الشائعة وقتها، بل خرجت أنباء بعدها بحدوث الصلح بينهما بعد تدخل عدد من المقربين منهما ونجحوا فى إنهاء الخلافات بينهما.

الشائعة الثانية 

وفي عام 2017، تكررت الشائعة من جديد عبر مواقع التواصل الاجتماعي، ولكن تامر وجه الاعتذار لزوجته وعادت حياتهما مرة أخرى.

الشائعة الثالثة 

وفي سنة 2020 خرجت الشائعة مرة أخرى، حيث أعلنت بسمة بوسيل الانفصال والسير في إجراءات الطلاق ووقتها كتبت عبر إنستجرام: "لكل الناس اللي بتبعتلي صور وفيديوهات لتامر وشايفة إنه مش بيعملي احترام سواء في صور أو فيديوهات، ياريت تبطلوا تبعتولي أي حاجة عشان مش فارقلي أي صور، وكمان أحب أعرفكوا إن احنا بقالنا فترة منفصلين وبنحضر أوراق الطلاق، لو سمحتوا احترموا مشاعر كل واحد فينا وبطلوا على الأقل تبعتولي أنا أي حاجة، بالتوفيق للجميع".

ورد تامر حسني عليها وقتها قائلاً: بسمة حبيبتي للأسف إنتي مفكرتيش كويس وسلمتي ودانك لشر السوشيال ميديا عشان كام تعليق كلامهم فارغ نسوكي إنك عرفتيني وأنا مشهور، ودي طبيعة شغلي اللي عرفتيني بيها، إزاي وصلوكي للزعل وللبعد فترة، المهم أنا مش هزعل منك، ولا يرضيني زعلك، إنتي حبيبتي، وأم ولادي أنا سندك وظهرك مهما حصل، بس اللي عايز أقوله لعل نكون سبب خير في توعية ناس كتير، ليه لما أي حد بيزعل من حد بيطلع يكتب عليه في السوشيال ميديا، طب حتى يكلمه الأول، إيه علاقة الناس بمشكلة شخصية بين اتنين ممكن تتحل بالتليفون، أو في زيارة رحيمة بينهما، ويا ريتها مشكلة أصلا، وربنا جعل ما بينا مودة ورحمة، عشان كده للأسف أنتي عارفة إن في ناس في طبيعتهم حب خراب البيوت، ومش هنخلص منهم بس إنتي اللي هتخلصي، من فكرة إنك تسمعيهم، مع إنك مكنتيش كده.

وفي فبراير الماضي حذفت بسمة بوسيل جميع الصور اللي جمعتها مع تامر حسني، وألغت متابعته عبر إنستجرام، وبالرغم من ذلك لم يخرج تامر للرد، واكتفى بعدم إلغاء متابعتها على "إنستجرام"، رغم حذفها للصور التي تجمعهما معا.

وفي الشهور الأخيرة تكرر الحديث عن انفصال الطرفين، وردت بسمة بوسيل قائلة: "يا رب تبطلوا تكتبوا الإشاعات دى، حرام تنزلوا صور وتشهروا ببنات لسه متجوزتش، أنا أم لبنتين ومرضاش ده لبناتى، فياريت نراعى ربنا في مهنتنا، ونبقى نتأكد من أي حاجة قبل ما ننزلها.