مها أحمد: شيرين نجمة النجوم وكاريزما رغم أنف المتنمرين
كتب: نسرين إبراهيم
حرصت الفنانة مها أحمد على دعم الفنانة شيرين عبد الوهاب بعد سقوطها على المسرح أمس في حفلها بمدينة دبي، بسبب تعثرها في الأسلاك والسماعات.
ونشرت معا أحمد، عبر حسابها الرسمي على إنستجرام، صورة لكوكب الشرق أم كلثوم في مشهد تعرضها للسقوط على المسرح، حيث استشهدت به للدفاع عن شيرين، معلقة: "مايقع الا الشاطر.. كم من المطربين والفنانين ممكن يتكعبلوا ويقعوا على المسرح ومشاهير كتير جدا.. أرجوكم ارحموا البشر طبطبوا على بعض مش شرط على المشاهير بس كفايه تنمر".
وتابعت: "الخلاصه ارحموا نفسكوا يامتنمرين واتقوا الله واستخدموا الحديده اللى فاديكم صح.. (شرين عبد الوهاب) نجمة النجوم وكاريزما وخفة دم وكفايه انها حنجره مصرية مشرفة لبلادها.. بحبك ياشرين وكل العالم بيحبك رغم أنف متنمرين السوشيال ميديا رحمتك يارب نفسى اسال سؤال لو كانت طلبت دكتور وبوظت الحفله وضيعت فرحت الناس وعكننت عليهم وده حقها لانها نجمة النجوم كنتوا هتتنمروا وتقولوا عليها ايه الست القمر تداركت الموقف وهزرت ومتعت الناس لها الله".
View this post on Instagram
