عن غرامة الزمالك «كهربا»: «معيش غير 5 جنيه هفطر بيهم الصبح فول وطعمية»

تحدث محمود عبد المنعم الشهير بـ «كهربا»، لاعب الفريق الأول لكرة القدم بالنادي الأهلي، عن الضغوط التي تعرض لها خلال الفترة الماضية.

وأضاف «كهربا» خلال تصريحات تلفزيونية لقناة أون تايم سبورت،: أنا كنت بمر بفترة صعبة، بس أهم حاجة البطولات بتعوض عن كل حاجة، وأنا زعلان جدًا من اللي بيحصل في الأجواء المصرية، مليش ذنب في أي حاجة وبيتحط اسمي في كل حاجة، واللي بيحصله كل ده بيصعب عليه نفسه.

وأضاف: دايمًا بدعي ربنا إني أكون في أحسن حال، أنا الماتش اللي فات كنت حاسس إنه هيوصل إكسترا تايم، وفي أول الماتش كنت بهزر وبضحك وبغير الضغط اللي عليا.

وتابع «كهربا»: قلت لكابتن سامي إني هنزل الشوط الثاني وهعمل حاجة للفريق، والحمد لله حصل في الوقت الإضافي وحصلت على ضربة جزاء.

وعن دفع غرامة الزمالك الموقعة عليه من قبل "فيفا" اختتم كهربا لاعب الأهلي مازحًا: استنى أشوف في جيبي فلوس ولا لأ، معيش غير 2 جنيه وخمسة جنيه هفطر بيهم الصبح فول وطعمية".