عائشة بن أحمد: «أنا بخاف من الجواز وهو حاجة مش سهلة»

علقت الفنانة التونسية عائشة بن أحمد على مشاركتها في مسلسل "مذكرات زوج" وعن مشاكل الزواج من وجهة نظرها خلال استضافتها ببرنامج " Its Show time"، المذاع عبر فضائية CBC.

وقالت عائشة بن أحمد خلال اللقاء، " الفكرة اللي حاول مسلسل مذكرات زوج يطرحها إنه لازم يبقى فيه تواصل بين الزوج والزوجة طوال الوقت"، مستكملة:" أن الكلمة التي تعطي أمل وتدل على الحب تجعل الطرفين مقبلين على الحياة، وأن استمرار العلاقة بعد 20 و30 عاما يحتاج لمزيد من المجهود والمذاكرة من جانب كلاهما الأخر".

وعن الزواج وعدم تخوفها منه، قالت عائشة بن أحمد، " الجواز مش حاجة سهلة خالص، وهو محتاج مجهود وذكاء ومذاكرة ووعي، وكل حاجة وإلا الموضوع مش هيكمل، أو هيكمل ولكن لن يستمر فترة طويلة".

موضحة، قائلة :"أنا بخاف، ومش عارفة لما أتجوز ويبقى أنا وحد تاني مقفول علينا بيت هبقى عاملة إزاي، هكمل إزاي، فببقى خايفة، ببقى شايفة ده من بعيد من خلال صحابي، وفيه حاجات بتطمن وفيه حاجات مبتطمنش خالص، أنا بحس إن الزواج محتاج مجهود من الطرفين".