وفاة مهندسة شابة قبل زفافها بأيام نتيجة هبوط حاد في الدورة الدموية بالإسماعيلية
كتب: أماني سلام
توفيت فتاة بمحافظة الإسماعيلية صباح اليوم الأحد، تُدعى مارتينا إبراهيم- 24 عامًا، إثر إصابتها بهبوط في الدورة الدموية قبل زفافها بأيام.
ونعت مصممة فستان الفرح التي كانت تنوي الفتاة ارتداءه في فرحها، قائلة: المهندسة مارتينا إبراهيم عاملة بروفة للفستان عندي يوم الأربعاء وفضلت تقوللي إيه رأيك يا طنط حلو عليّ، وأنا قولتلها حلو عليكي بجد هتبقي منورة الفرح، وقولتلها هتستلمي الفستان يوم الإتنين.
واستكملت: وهي ماشية فضلت تقوللي شكرًا أوي بجد يا طنط تعباكي معايا، وتبص في وشي كأنها بتودعني عايزة، أقولكم قمت الصبح مش قادرة أمشي ولا أشتغل ومش قادرة أشوف فستانها قدامي.
واختتمت: يا ريت نتعلم دروس في الأيام الجاية، ونقرب من ربنا أوي لأن مبقاش في حاجة تستاهل تاخدنا من ربنا ممكن نقابله في أي لحظة وهيكون شكلنا إيه قدامه، ومصيرنا الأبدي فين.
إقرأ أيضًا: وفاة طالبة أثناء أداء الامتحان بآداب بالمنيا
