فرح الزاهد: غير راضية عن نفسي في فيلم "شوجر دادي"

كشفت الفنانة فرح الزاهد عن تفاصيل أحدث أعمالها الفنية فيلم "شوجر دادي" الذي يعرض في دور العرض السينمائي.

وتحدثت «الزاهد» عن تعاونها مع الفنانة ليلى علوي في فيلم «شوجر دادي”، قائلة: «أول يوم أشوفها فيه كنت متوترة أوي وكان أول مشهد معاها وعيدنا المشهد كتير أوي لأن كان فيه مشاكل في الزاوية بتاعتي وكنت بقول جمل غلط لكن هي كانت بتفضل تقول لي حلو أوي لحد ما أخدنا على بعض”.

وأضافت: «ليلى علوي عندها انضباط فظيع وحب لشغلها غير طبيعي وإن لازم أتعود على صعوبات الشغل وهي بالنسبة لي مثل أعلى».

وتابعت «السينما محتاجة خبرة كبيرة جدًا وأنا انتقدت نفسي في أول تجربة سينمائية لكن راضية عن نفسي بنسبة 70%».

وأوضحت: «باخد رأي هنا أختي بعد ما أمضي الدور خلاص وبسألها إيه رأيك أعمل الدور إزاي وكده، وباخد رأيها كمان لما العمل يتعرض وهي بتبقى صريحة معايا في رأيها، لكن مامتي هي اللي باخد رأيها قبل ما أوافق على الدور».

وجاءت تصريحات الفنانة فرح الزاهد، خلال ظهورها كضيفة على يوسف التهامي وفانا إمام في برنامج «عيش صباحك» على «نجوم إف.إم» الخميس.