بسمة وهبة: «بقيت أخاف أنزل صوري ولو بإيدي كنت أتعالج في مصر»

أعربت الإعلامية بسمة وهبة عن استياءها مما تتعرض له من هجوم، ومن وصفتهم بالحاسدين، حيث سافرت إلى لندن لأنها تعاني من مرض يحتاج إلى العلاج بالخارج.

ونشرت وهبة مقطع فيديو عبر خاصية ستورى على حسابها الشخصي بموقع انستجرام، وقال فيه «بطلب من كل الناس اللي بتتفرج على صوري متفتكروش الصور اللى برا دي الحياة اللي جوه.. أبدًا والله العظيم كل واحد ربنا في حياته حتة ناقصة بس أنا الحتة بتاعتي غير بتاعتك فكلنا بنعاني».

وأضافت، «بقيت أخاف أنزل صوري، لو أخذت صورة أو فيديو ونزلت حاجة تفتكروا إنى في رحلة ترفيه، مش كل صورة أو فيديو تشوفوها يبقى هي دي الحياة لأ كلنا بنعاني زي بعض، أوعوا تصدقوا الصور اللى بتشوفها دي الحياة الخلفية».

وأنهت بسمة وهبة حديثها قائلة، «خفوا على بعض وبعدين لو بإيدي أتعالج في مصر كنت قعدت هو أنا عايزة أدفع  فلوس أكثر، لكن أنا عندي مرض محتاج سفر ودكاترة معينة والحمدلله راضية وسيبونا في حالنا ومتقعدوش تركزوا».