أزهري يرد على فتوى «الهلالي» بالأضحية بالطيور: «السنة الجاية الحجاج تدبح أرانب ويوزعوا استاكوزا»

علق الشيخ إبراهيم رضا، أحد علماء الأزهر الشريف، على فتوى الدكتور سعد الدين الهلالي، أستاذ الفقه المقارن بجامعة الأزهر، بجواز الأضحية بالطيور والتي أثارت جدلًا واسعًا خلال الأيام الماضية.

وأوضح "رضا" أن رأي سعد الهلالي بمثابة إعلان حرب على فقراء الأمة، لأنه أغفل أن للأضحية جانب اجتماعي له بالغ الأهمية، مشيرًا إلى النبي محمد صلى الله عليه وسلم قال: "أغنوهم -الفقراء- عن السؤال في هذا اليوم"، معلقًا عن رأي الهلالي: "إزاي يبقى ده عيد!".

وتابع: "النبي ضحى بكبشين أملحين أقرنين، مفيش حاجة اسمها هتدبح فرخة ولا بطة.. الرأي هينسحب على الحجاج، يبقى السنة الجاية هتدبح أرانب على صعيد عرفات، عشان ناخد بعض الآراء الشاذة ونعممها ونعملها دين، ونقول إن ده تجددي في الفكر، ده هزل".

واختتم الشيخ إبراهيم رضا حديثه قائلا: "الخطير هو مش إنك هتدبح طيور بس، الخطير كمان أنه يقولك إنك مش مطالب توزع لحم من الأضحية، طب خلاص السنة الجاية الحجاج ما يدبحوش الهدي ويوزعوا استاكوزا، لأن اللي هناك ربما مش بيحبوا اللحم"، وجاء ذلك خلال مداخلة هاتفية مع الإعلامي عمرو أديب ببرنامج "الحكاية" عبر شاشة "mbc مصر".