نادية مصطفى لـ«العاصمة»: «مفيش إغراء في صوت الست وممكن تسجل قرآن»
كتب: رنا خالد
قالت المطربة نادية مصطفى في لقاء لها مع «العاصمة»: "مش حرام الست تسجل وتقول القرآن الكريم بصوتها لو حلو، ومعتقدش فيه إغراء في صوت الست وسألت حد بثق في رأيه قال ليا مادام بتغني كلام مش مبتذل ومفيش إيحاءات ولا إثارة غرائز فمش حرام".
وردًا على سؤالها «هل ممكن تسجلِ القرآن الكريم بصوتك الفترة الجاية وتنزلية؟» ردت نادية مصطفى قائلة: "لا مستحيل اعمل كده لأن مجرد احساسي إن ده ممكن يكون حرام 1% مقدرش اعمله، ولكن لو دار الإفتاء وافقت هعمله".
وأضافت: "طول ما احنا بنقدم محتوى محترم، اعتقد ربنا مش هيقسو علينا..ولما بكون بصور حاجة بقول للمصور استرني لأني مش عاوزة حاجة فيا تبان ويكون فيه تركيز عليها"، وجاء ذلك ردًا على اتهام بعض الجمهور للفن بإنه حرام.
