رضا البحراوي: «اشتغلت كمسري.. ودخلت الغناء بدعوة من والدي»
كتب: نسرين إبراهيم
كشف المطرب رضا البحراوي، عن العديد من أسرار حياته الشخصية، والمهن التي عمل بها قبل دخوله مجال الغناء الشعبي.
وقال رضا البحراوي:«اشتغلت كل حاجة وأنا صغير، ووالدي ووالدتي كانوا على قدهم، اشتغلت بعشرة جنيه و15 جنيه، وكنت بحس إني بعمل حاجة في البيت».
وأضاف:«كان عندنا ميكروباص عملت عليها كمسري حوالي ثلاث سنوات، كنت بنادي بس أخويا سايق وأنا معاه».
وتابع البحراوي:«فيه موقف مش هنساه والدي تعبان كان على السرير قالي روح غني ربنا يرزقك ويكرمك عشان أنت حنين على أهلك وأخواتك، وبعدها بفترة والدتي كانت تعبانة نفس التعب اللي أصيب به والدي وربنا شفاها».
وجاءت تصريحات رضا البحراوي هذه خلال لقاءه مع الإعلامية والفنانة إسعاد يونس في برنامج صاحبة السعادة على قناة dmc.
