منة شلبي: «أمي ست استثنائية.. ضحت بشغلها عشاني»

تحدثت الفنانة منة شلبي، عن والدتها الفنانة زيزي مصطفى، خلال لقائها ببرنامج "سهرانين"، أمس، في ضيافة الفنان أمير كرارة.

وقالت منة شلبي، عن والدتها زيزي مصطفى: "ماما مش أم تقليدية، وست عظيمة وبالنسبة لي هي كل حاجة، لو عندي صفة كويسة في شخصيتي زي تحمل المسئولية والجدعنة فأنا كبرت لقيتها في أمي".

وأضافت منة شلبي خلال اللقاء: "أمي عملت تضحية مظنش كتير يقدروا يعملوها، هي سابت شغلها في الفن بسن صغير عشاني، عشان تكون شخصيتي، فربنا يحميها ويديها طول العمر، هي حقيقي ست استثنائية".

وكانت قالت منة شلبي، عن هند صبري: "مكنش لينا في بعض أوي، مكنش فيه خناق، بس مكنش فيه حب".

وأضافت منة شلبي: "طلعنا إحنا الاتنين مع بعض كانت هي بتعمل فيلم مواطن ومخبر وحرامي ومذكرات مراهقة، وأنا كنت بعمل الساحر وبحب السيما، وأدوارنا كانت جريئة في الفترة دي".

واستطردت: " في الفترة اللي انطلقنا فيها أنا وهند صبري كان يجي حد يخلينا نسخن على بعض ويقولي دي متبحبكيش وأنا أقول دي مبتحبنيش إزاي يعني ويقولها نفس القصة، وبعدين اشتغلنا مع بعض فيلم أحلى الأوقات، وكل واحدة فينا كانت كتفها عالي على التانية، بس محترمين، وكان وسطنا أعظم حكم ست البنات حنان ترك".