شاكوش لـ منتقدي جملته الشهيرة «عبستك إزاي»: شبعت ترندات.. فاكرين هيمسكوها عليا ذلة

أثار المطرب الشعبي حسن شاكوش، جدلًا واسعًا عبر مواقع التواصل الاجتماعي وذلك بعدما وجه رسالة لمنتقديه في حفله الأخير بالساحل الشمالي.

وتحدث "شاكوش"، خلال الحفل عن الأزمات التي تعرض لها مؤخرًا، قائلا: «أنا الفترة اللي فاتت طلعت ترند على السوشيال ميديا، حسن شاكوش اتجوز حسن شاكوش طلق، محدش فاهم حاجة».

وتابع خلال حديثه: «كل اللي انتوا بتسمعوا اشاعات، انتوا عارفين اني من بولاق الدكرور ومن منطقة شعبية عارف يعني ايه بنت ناس وازاي احافظ على بنات الناس».

وأضاف: «أنا عايز أعرفكم إن كل اللى بيتقال ده إشاعات، فكله عايز ترندات وإحنا شبعنا من الترندات».

واختتم حديثه، قائلا: «حسن شاكوش بيقول ليكو في وجع قلب اللي فات، وفاكرين هيمسكوها عليا ذلة لا عملت ليهم أغنية عبستك إزاي يا دنيا وإنتي مش بستاني».

وكان حسن شاكوش نال سخرية واسعة من جمهوره ومتابعيه بعد تسريبات زوجته له من حديث بينهما عبر «الواتساب»، حيث كتب جملة مليئة بالأخطاء الإملائية وهي كالتالي: «عبستك إزاي يا دنيا وإنتي مش بستاني»، ليقوم بعدها بإطلاق أغنية بنفس الإسم مستغلا الترند الذي انتشر حوله.