أحمد موسى: انخفاض سعر الأرز 11 جنيها وسيصل إلى 10 قريبا

أكد الإعلامي أحمد موسى، أنه لا يوجد نقص في أي سلعة من السلع، مشيرًا إلى أنه لدينا احتياطي استراتيجي كامل ولا أزمات.

وأضاف "موسى" أن هناك انخفاض في سعر الأرز بحوالي 11 جنيه، بقوله: "في ناس هيبعتوا لي ويقولولي كلام غير صحيح وأنا بقولكم لأ صحيح".

وتابع: "عايز أقولكم بعد شهر ونصف من اليوم واحسبوها عليا، هيوصل سعر كيلو الأرز إلى 15 و13 و10 جنيه للكيلو وحاسبوني على الكلام ده بعد شهر ونصف من دلوقتي"، مؤكدًا: "بقولكم كده عشان في كميات كتير موجودة ومعروضة والأسعار هتبدأ تنزل".

واختتم الإعلامي أحمد موسى حديثه قائلا: "أسعار الأرز هتبدأ تنزل أكثر وأكثر، لأن المحصول الجديد هيبدأ ينزل والأهالي في بحري زرعوا العام الحالي أرز كتير بجانب البصل، فاللي عنده رز النهاردة يلحق يعرضه وإلا هيخسر كتير أوي"، وجاء ذلك خلال تقديمه لبرنامجه "على مسئوليتي" على فضائية "صدى البلد".