«ما عنديش وقت أضيعه».. محمد رحيم يرد على هجوم رامي صبري عليه

واستكمل رحيم حديثه: كما تم إرفاق لحنين آخرين من أعمالى وهما أنا بحب عيونك للفنان عمرو دياب ومشاعر للفنانه شيرين عبد الوهاب واللى حصل أني لقيت نفس اللحنين دول تم استعمالهم في أغاني خاصه بيك وحققوا نجاح كبير معاك من غير ما تضع أسمي عليهم على الأقل جنب أسمك وطبعا الفيديو هيوضح المسأله دي جدا حتى لغير المتخصصين وواثق أن الجمهور هيتفاجئ وفي ناس كتير هتستغرب أنا أزاي سكتت طول السنين دي والإجابه لأني إنسان مسالم ومحترم وعمري ما أسمح لنفسي أرفع قضية على زميل وأخ ومؤمن بتوارد الخواطر وحسن النيه دائما وطبعا دي مش مني دعوه للتخلى عن الحقوق ولكن العشره الطيبه والمحبه والصداقه ليها علينا حق والخلاصه

أنك هاجمتني قبل كده أكتر من مره ومازلت لأني قلت كلمتين (فضفضه) هما من صميم حقي وقوانين الملكية الفكرية واضحة ومفيهاش هزار في بلدنا وفي كل دول العالم.

وأشار: كنت بشوف مجهودي وتعبي بينسب لغيري وبستحمل وبسكت عشرات المرات وللأسف أنت اللى زعلان وبتتهمني أني كنت بهاجم النجاح لأ انا قطعا مش بهاجم النجاح لأنني والحمد لله صديق النجاح أنا فقط كنت بعلق على استحياء وخجل على ظاهره سلبيه جدا ومتكرره في أسلوب العمل في الوسط الفني وهي ظاهره استغلال واستحلال مجهود الناس بدون وجه حق ونسبته لغير أصحابه الحقيقيين وانا عايز بعد تجربتك الاخيره مع عمرو اللى سببت المشكله دي كلها الناس تحاول تتخيل انا ساكت على ايه بقالي سنين ولكن بعد الاعتداء على اعمالى وافكاري ومجهودي ثم سكوتي وصمتي اطلع بحارب النجاح كمان وكمان اطلع مش عاجب ؟؟؟

وألمح: لأ طبعا ده كلام مرفوض تماما وفعلا انا مش هسمح لأي حد يقوله وربنا يسامح الجميع وطبعا انا برد على الملأ لأنه كلامك كان على الملأ فلذا وجب التصحيح والتوضيح مع تأكيدي ان عمرو مصطفى طبعا انا بعشقه وبحبه من قلبي وانت كمان اخويا وبحبك والدليل اني اول مره اتكلم على مواضيع زي دي حدثت منذ سنوات ولكن زي مانت عندك اسره وعندك جمهور تخاف على شكلك قدامهم انا كمان زيك بالظبط مع تمنياتي بالتوفيق والنجاح الكبير للجميع اخوك الموسيقار المصري العالمي المجتهد والمحترم.